Diosta mañai, ali purunturi. Jehovara mañai Bibliamanda yachachinai yanapachu mana yapa manzhai charingaj. Mas valij iyaigunara can ricuchina munashcara ali intindingui. Quillcashca tiajta mana chi shimillara chi shimillara rimai. Camba quiquin shimiunahua rimai.

Shungumanda rimai. Runauna Bibliamanda imarasha uyana ministishcara iyai, paigunai iyari. Shina rurasha, can imasna rimashcahua, maquiunahua, ñahuihua cierto llaquinara ricuchingui.

Canda uyajcunara ricui. Can causashca lugarbi shina rurajpi, runauna ñahuira ricui. Yachachishcara uyana cushcai, tucui runaunara ricuna randimanda shuj shuj runara ricui.