PUNTO 6
Bibliamanda textogunara ali intindichi
Rashcauna 17:2, 3
IYARI: Mana shu textora leanalla angui, huasha shuj iyaima pasangaj. Leashca texto camba yachachishcahua imarasha pariju ashcara canda uyajcuna intindinuchu ursari.
CASNA RURAI
-
Valishca iyaigunara ricuchi. Bibliara leashca huasha, valishca shimiunara apisha ima yachachina munashcara ali intindichi. Chita rurangaj valishca iyaigunara cuti cuti rimai o shu tapuira rurasha yanapai chi valishca iyaigunara apinuchu.
-
Temara ali ricuchi. Shu texto manara leashcallaira can chi textora imarasha leangaraushcara ricuchisha, Biblia yachachishca chi valij iyaigunahua imasna pariju ashcara intindichi.
-
Ahualla intindichisha rimai. Mas valij iyaigunara yachachiushcai mana ministishca shimiunara mana rimana angui. Canda uyajcuna ña yachashcai riparasha, ricui masna iyaiguna ministirin yachachishcara ali intindinuchu.
