Cai tucushcai iyari: Tuta ajpis David puriusha riun shu llactai, llandu tuta ashcamanda mana yachanzhu maibi ajta. Shinajpi iyarin pirdirishca an. Maicans ratui pirdirishca tucuca ñambimanda.

Can David asha, ¿imara ruranguima?

Charingui cai ajllanaunara:

1. Maicandas tapui can munashca lugarma pactangaj.

2. Shu linterna sindichisha utilizana.

3. Purisha rilla shu ali ñambira tupanagama.

Cai C nishca iyai mana valin.

Cai B nishca iyai mas ali an pundamanda. Linterna maquii charisha purina ushangui tucui ñambira.

Bibliaga shinallara canda yanapana ushanmi.

Intiru mundui mas catushca libro:

• canda pushana ushan turmindusguna charishas.

• canllara yanapana ushan ali ricsingahua mas ali runa tucungahua.

• yachachina ushan imasna mas ali causai charina ushangui.

Rimana ushashca timpumandalla callarinchi tapuigunahua:

• ¿Imarasha ahua pacha azul an?

• ¿Imamanda estrellasguna rurashca anun?

Chi huasha tapuigunahua callarinchi muyujta tiajcunamanda:

• ¿Imarasha manali ruraiguna tian?

• ¿Imarasha huañunchi?

¿Yachanguichu Biblia cai tapuigunara cutipan?

Ashca runauna rimanun Biblia yanga cuintashcaunallami charin, ña pasashca libro an o shinzhi an intindingahua. Chi ¿sirtuchu? ¿Sirtuchu anga paiguna Bibliamanda nishcauna? ¿Paiguna yachanushcachu sirtu rimaigunara?

Runauna quirinun Biblia nin Diosmi mandaun nisha cai mundui. Shinajpi chi ¿sirtuchu? Cai mundu manali an. Nanais, turmindus, ungüiguna, huañuna, pugriuna, llaquiunas tian. ¿Ushanzhu ñucanchira llaquij Dios caita rurangahua?

¿Munanguichu yachangaj pita cai mundura mandaun? Bibliamanda cutipana canda yanapanga.

Imasna can ricushcangui cai folletoi tiaj yachachishcauna Bibliamanda apishca an. Jehovahuaj testigoguna quirinun Biblia ñucanchira pushana ushanmi. Biblia “Diosmanda rimashcami. Valinmi yachachingaj, camachingaj, alichingaj” (2 Timoteo 3:​16, 17). Cambas ricsina ushangui cai pasashca mushuj librora.