Ñucanchira cuirajcunaga cullquira mana cobranunzhu, ashca iglesiagunai mañashca cuinta. Randiga imasnami apostolguna timpui, cunaga ñucanchira cuirajcuna cuirarianun (Rashcauna [Hechos] 20:28). Cai cuirajcuna Bibliara mas yachanaun tandarijcunara cuirangahua, alira pushangahuas. Paigunaga “mana mandashca cuinta astaumbas ali munaimanda, mana yapajta cullquira ganangaj, astaumbas ali iyaimanda” cuiranunmi (1 Pedro 5:​1-3). ¿Imasnara ñucanchira yanapanun?

Ñucanchira ali ricusha cuiranunmi. Tandarijcunara Cuirajcunaga tucui huauqui, paniunaras ali causanuchu Bibliahua yachachisha ali pushanun. Yaya Diosga tandarijcunara ali yanapachu nisha, mingashcara iyasha, ali shunguhua, llaquihua yanaparinun, paigunaga shina rajpimi, tucui tandarijcunaibi ajcuna cushi causanchi (2 Corintios 1:24). Buriguunara ali cuiraj pastorga, caran burigura ali ricsisha cuiran, shinallara Tandarijcunara Cuirajcuna tucui ñucanchira ali ricsisha cuiranun (Proverbios 27:23).

Diospa munashcara pactachingahua yanapanun. Cuirajcunaga caran semana tandarinai ñucanchi fera shinzhiyachinun (Rashcauna [Hechos] 15:32). Cuirajcunaga mana sambayaihua, imasna Bibliamanda rimanara yachachinun, chiraigu paigunallara ñucanchihua Bibliamanda rimangahua llucshinun.

Cuirajcunaga ñaupajma catingahua yanapanun. Cuirajcunaga caran huauquira, paniras Diosta mas llaquinuchu yanapanun. Shinallara paiguna fe mas shinzhiyachu yanapanun. Chiraigu paiguna ñucanchi huasiunai, tandarinais gustu cushihua cuintanusha yanapanun. Diospa Shimira leasha ñucanchira cushiyachinun (Santiago 5:​14, 15).

Ashca cuirajcunaga, paiguna quiquin aillura cuirangaj shinzhira tarbana ashas, tandarinaibi tarbangahua timpura llucchinun. Chiraigumanda Tandarijcunara Cuiraj huauquiunara respetanami anchi (1 Tesalonicenses 5:​12, 13).

• Tandarijcunara Cuirajcunaga ¿imara ruranun?

• Tandarijcunara Cuirajcunaga ¿ima rashara ñucanchima llaquishcara ricuchinun?