CUINTANUNARA CALLARI
LECCIÓN 3
Ali shunguyuj ai
Bibliamanda iyai: “Llaquina [...], ali shunguyujmi” (1 Cor. 13:4).
Jesús rurashca
1. VIDEORA ricui o Juan 9:1-7 leai. Huasha catij tapuigunamanda riparasha iyari:
-
¿Imara Jesús ñaupa punda rurarca? ¿Ñausa runara alichicachu? o ¿Diospa Shimimandachu paihua rimaca? (Juan 9:35-38 ricui).
-
¿Imarasha can ninguima cai runa Jesús rimashcara uyangaj munaira charishcara?
¿Imara Jesusmanda yachanchi?
2. Uyauj ñucanchi cuintashcara mas uyangaj munangami ñucanchi ali shungura paita ricuchijpi.
Jesús rashcasna rurai
3. Pai sintishcasna sinti. Pai imasna sintishcara intindingaj ursari.
-
Tapuringui: “¿Imamanda pai turbarishca angairi? ¿Imara Bibliamanda paita yanapanga? ¿Imamanda pai mas yachangaj munanga?”. Casna tapurisha canda yanapangami shungumanda ali shungura ricuchingaj gustu rimangajpas.
-
Pai rimashcara uyasha ricuchinguimi pai iyashcara can intindishcara. Pai imasna sintishcara o problema charishcara canda cuintajpi ama shuj temamanda cuintangaj callaringuichu.
4. Ali shunguhua respetuhua rimai. Runaunara can llaquisha sirtu pacha yanapangaj munasha can imasna rimashca tunui paiguna uyasha riparanunga. Imasna rimanara, imasna can rimashcara uyarinaras ali ajllana angui. Ama rimaichu runaunara llaquichingachari shimiunara.
5. Yanapaj ai. Ricui imasna runaunara ali riparasha ali iyaihua imahuas yanapangaj. Runaunahua ali shungu ajpi paiguna ñucanchira uyangaj munanunga.
