CUINTANUNARA CALLARI
LECCIÓN 5
Respetaj ai
Bibliamanda iyai: “Canguna rimashca shimiuna ali iyaihua rimashca anauchu tucui huras” (Col. 4:6).
Apóstol Pablo rurashca
1. VIDEORA ricui o Hechos 17:22, 23 leai. Huasha catij tapuigunamanda riparasha iyari:
-
¿Imasnara Pablo sintirica Atenas llactai panda religión rurashcaunara ricusha? (Hechos 17:16 ricui).
-
Atenas runaunara taripana randi, ¿imasnara Pablo paiguna quirishcaunamanda respetuhua rimasha Diospa Shimira yachachica?
¿Imara Pablomanda yachanchi?
2. Maican shimiunahua rimanara, ima hura, imasna rimanaras ali ajllajpi runauna ñucanchi rimashcara mas uyangaj munanunga.
Pablo rashcasna rurai
3. Camba rimana shimiunara ali ajllai. Iyari, Jesuspi mana quirijcunahua cuintasha, Jesusmanda Bibliamanda imasna rimangaraushcara can rimanara turcachina angachari.
4. Ama dsas rimaichu pai pandarishcara. Pai munashcasna rimangaj saqui. Biblia mana yachachishcasna pai rimajpi ama piñasha cutipaichu (Sant. 1:19). Paita uyasha yachangaraungui imai quirishcara, imarasha caita quirishcaras (Prov. 20:5).
5. Ushashaga pai rimashcamandallara rimasha paita animachi. Shungumanda runa quiringachari paihua religión sirtu shimi yachachishcara. Pai cambas munashca temamandallara rimangaj ursari, huasha ansa ansa Biblia rimashcara pai intindichu yanapangui.
