PUNTO 15
¿Imarasha Bibliara mas yachasha catina angui?
1. ¿Imasnara yanapanga can Bibliara yachasha catijpi?
Caigama yachashcaga ¿imasnara canda yanapashca? ¿Manzhu yanapashca Yaya Diosta llaquingahua? ¡Ari! yanapashcami. Shinajpis, Jehová Diosta mas llaquisha catina angui (1 Pedro 2:2). Jehová Diosmanda yachanara mana saquishami Diosta mas llaquingui, shinallara huiñai huiñai causanara charingui. Leapai Juan 17:3; Judas 21.
Bibliara estudiasha catishaga, Yaya Diosta mas quiringui. Shinallara, pai mandashcara pactachingahua munangui (Hebreos 11:1, 6). Cierto pacha quirinaga ñucanchira yanapanmi uchaunamanda aripintiringaj, shinallara, ñucanchi causaira alichisha Yaya Dios munashca cuinta causangaj. Leapai Rashcauna (Hechos) 3:19.
2. Shujcunara ¿imasnara cambas yanapana ushangui?
Cambas Yaya Diosta mas llaquisha paihua aillu tucunguimi
Bibliamanda ali gustu cuintashcaunara ¿shujcunama cuintanara munanguichu? Bibliamanda yachasha catishaga cambas Jehovamanda, ali gustu cuintashcaunamandas alira intindichina ushangui. Leapai Romanos 10:13-15.
Camba aillura, amigogunaras cushilla, ali shimiunahua Bibliamanda cuintanami angui. Mana rimanachu angui, canguna quirishcauna mana valinzhu nisha. Chi randi, Yaya Dios ali causaira apamungaraun nisha cuintanami angui. Shinallara, Biblia nishcara can pactachiushcara ricushami, camba ailluunas Bibliamanda yachangaj munanunga. Leapai 2 Timoteo 2:24, 25.
3. Diospa ñaupai ali ricurisha ¿imara tucungui?
Bibliamanda yachanara mana saquishaga, Yaya Dios nishcara mas ali pactachingui. Shinallara, Jehová Diosta mas llaquingui. Shina rashaga, Diospa ñaupai ali ricurisha, Diospa aillu tucungui. Leapai 2 Corintios 6:18.
4. ¿Imara yanapan Diospa ñaupai mas ali ricuringaj?
Yaya Diospa Shimimanda mas yachasha catinara ama saquinguichu (Hebreos 5:13, 14). Shinallara shu Jehovahuaj testigora mañangui, ¿Imara Biblia yachachin? nishca librohua canda yachachichu. Bibliamanda mas yachashaga, camba causaibi mas cushira charinguimi. Leapai Romanos 7:22; Santiago 1:25.
Bibliai tiaj ali gustu cuintashcauna Jehová Dios partimandami an. Diosta sirvijcunahua amigo tucusha, paiguna cuinta, cambas Yaya Diosta mas llaquinguimi (Hebreos 10:24, 25). Yaya Dios mandashcara pactachisha catishaga, ganaslla gustu, huiñai causaira charingui. Cierto pacha ninchi, imaras rurana randimanda, mas valinmi cushi Diospa amigo tucuna. Leapai 1 Timoteo 1:11; 6:19.
Cai temagunaras leana munanguichari
TANDARINAUNA
Ñucanchi tandarinaunaga ¿imasnara an?
Reinomanda Yachana Huasira rijsi. Shinallara chibi ima ruraushcara rijsi.
ÑUCANCHIMANDA
¿Imarasha Bibliara estudiana angui?
Bibliaga ashca runaunara intiru munduibi ministirishca tapuigunara cutipangaj yanapan. ¿Candas yanapachu munanguichu?
