Ansalla pishinmi
1. Cai pishcuuna cantaushcara
can uyasha puriungui.
Cai pamba gustu sumajmi,
ña huañushcauna causarinun.
Cai punzha pactashcami,
cushimi sintiringui.
Paraíso shamungaj
ansalla pishishcami.
2. Ima gusturai cai punzha,
yacu paccha uyarin.
Urcuunaibi tiaj yurauna,
yacuuna sumaj ricurinun.
Chagrauna ña pucushca,
pallana hurasmi an.
Cushi causai charingaj
ansalla pishishcami.
(PUENTE)
Can tucui huras chapaushca,
cuna ña pactarishcami.
Turmindus ña tucurishca,
can cuti malta tucungui.
3. Ashca cushi sintirisha
tucuiguna cantanun.
Jehová Dios can munashcara
llaquishcahua canda cushcami.
Yaya Diosta agrasinchi
Llaquij Dios ashcamanda.
Huiñai causai charingaj
ansalla pishishcami.
(PUENTE)
Unaira canda ricungaj
munasha chapaushcanimi.
Cai punzha ña pactarishca,
ña cushimi sintirini.
4. Cai sumaj causana
ñallami pactamunga.
Jehová Dios rimashca cuinta
tucui pactachishca tucunga.
Cushiyasha Jehová Diospi
chapasha catishami,
paihua bendicionguna
cierto pacha pactamunmi.
