•  Callarina shimiuna 2

•  Bibliamanda valishca yachachishcauna 3-5

  •  Yachachishcara uyana 3

  •  Valishca iyaigunara mascashunchi 4

  •  Bibliara leana 5

•  Ali yachachijcuna tucushunchi 6-14

  •  Cuintanunara callari 7

  •  Cuti pasiangaj ri 8

  •  Runaunara yachachi 9

  •  Can Bibliamanda quirishcara intindichi 10

  •  Yachachishcara uyana 11

  •  Pactachinauna 12

  •  Caran tunu cuintarinauna 13

  •  Videogunara publicaciongunaras utilizana 14

•  Jesusta catisha causashunchi 15, 16

  •  Congregaciombi Bibliamanda estudiana 16

•  Tucurina shimiuna 17

•  Animachingaj camachingaj shimiuna 18

•  Timpu 19

•  Superintendente de circuito huauqui pasiana 20

•  Asamblea semanai 21

•  Jesús huañushcara iyarina semanai 22

•  Jesús cuinta yachachisha causasha catishunchi tandarinamanda superintendente 23

•  Jesús cuinta yachachisha causasha catishunchi tandarinamanda pushaj huauqui 24

•  Consejero auxiliar 25

•  Clases auxiliares 26

•  Videoguna 27

1. Cai yachachinauna, Jesús cuinta yachachisha causasha catishunchi tandarinai partira charijcunara yanapanga. Caibi tiaj yachachinaunahua, Jesús cuinta yachachisha causasha catishunchi tandarinai tarbana quillca yanapaihua purunturinunga partira manara charishcallaira. Tucui Bibliamanda yachachijcunara animana anun, yachaujcunaj asignaciongunara ricuchingahua. Cuti cuti tandarinama shamujcuna, Bibliamanda iyaigunara chasquijcuna, Biblia mandashca cuinta causajcunas cai asignacionguna rurana ushanunga. Manara Bibliamanda yachachij tucushcallaira tandarinai partira cungaj munajcunara Jesús cuinta yachachisha causasha catishunchi tandarinamanda superintendente rimanga imara rurana anun partira cungaj, rimanga rurana ushashcara mana ushashcaras. Caita rurana anga paita Bibliara yachachijhua (o Diosta sirvij yayahua mamahua). Bibliamanda yachachij tucungaj pactangahua rurashca tapuigunallara, asignaciongunara cungaj munajcunaras ruranunga (od-S cap. 8 párr. 8).

2. Un minuto. Canción, Diosta mañashca huasha, Jesús cuinta yachachisha causasha catishunchi tandarinara pushaj huauqui tandarinama rijcuna mas yachana munanuchu ruranga. Tandarinara pushaj huauqui valij puntogunara ricuchinga congregacionda yanapangaj.

 3. Yachachishcara uyana (10 minutos). Tandarinai tarbana quillcai shu tema, ishqui o quinsa valij iyaiguna ricurinun. Cai yachachishcara uyanara shu anciano huauqui o shu siervo ministerial ruranga. Shu mushuj librora Bibliamanda leangaj callarishcai, shu video cai libromanda ricuringa. Rimashcara cuj huauqui huaquin puntogunara ricushca videomanda, yachachishcara uyana temahua imasna pariju ashcara ricuchinga, shinajpi Tandarinai tarbana quillca iyaigunaras intindichina an. Timpu tiajpi, dibujugunara, shuj cuintashca puntogunaras yapasha utilizana ushan caimanda mas alira intindichingaj.

 4. Valishca iyaigunara mascashunchi (10 minutos). Cai parti tapuiguna cutipachinaunas charin, callarina tucurinas shimiuna illaj. Shu anciano o shu siervo ministerial ruranga. Rimashcara cuj huauqui cai ishqui tapuigunara ruranga. Pai ajllana ushanga chibi tiaj textogunara leana o mana leana. Huauqui paniunas cutipanauna 30 segundos o menos ruranunga.

 5. Bibliara leana (4 minutos). Cai partira shu yachauj cari ruranga. Yachauj Bibliara leana partira leana ushan, callarina tucurinas shimiuna illaj. Tandarinara pushaj huauqui yachaujta leangaj yanapanga sintishcahua, mana pandasha, pai rimaushca cuinta rimana, ali shayarisha rimana. Huaquin Bibliamanda leana atun ichilla ashcamanda, Jesús cuinta yachachisha causasha catishunchi tandarinamanda superintendente huauqui, riparana an yachaujcuna rurana ushashcara asignaciongunara cungaj.

6. (15 minutos). Cai parti tucuigunara yanapanga alira puruntusha Bibliamanda yachachinai shinallara runaunahua ali cuintaringaj yachachingaj. Ministirijpi ancianoguna cai tunu asignaciongunara rurana ushanun. Tandarinai tarbana quillcai paihua asignación pactachina mayambi tiaj número Yachachishun o Runaunara llaquina folletomanda aj purunturina an. Ansalla tapusha yachachi nishca partiunara shu anciano o siervo ministerial cuna anunga (caimanda mas yachangaj  párrafo 15 ricungui).

 7. Cuintanunara callari. Cai asignacionda shu cari o shu huarmi ruranga. Yanapajcuna caripura huarmipura o aillupura anunga. Ishquindi shayarisha o tiarisha ruranunga. (Caimanda mas yachangaj  párrafo 12,  13 ricungui).

 8. Cuti pasiangaj ri. Cai asignacionda shu cari o shu huarmi ruranga. Yanapajcuna caripura huarmipura anunga (km-S 5/97 pág. 2). Ishquindi shayarisha o tiarisha ruranunga. Yachauj ricuchina anga shu runara cuti pasiangaj tigrashcai ima rimanara. (Caimanda mas yachangaj  párrafo 12,  13 ricungui).

 9. Runaunara yachachi. Cai asignacionda shu cari o shu huarmi ruranga. Yanapajcuna caripura huarmipura o aillupura anunga (km-S 5/97 pág. 2). Ishquindi shayarisha o tiarisha ruranunga. Cai parti Bibliamanda yachachina ña callarishcamanda an. Mana ministin callarina tucurina shimiunara rimana, shinajpi yachauj cai puntogunai tarbangaj mañajpi ruranga. Rurana ushashas, mana ministin shinzhi shimihua tucui parrafogunara leangaj.

 10. Can Bibliamanda quirishcara intindichi. Shu yachachishcara uyana ajpi shu cari ruranga. Shu escenificación ajpi shu cari o shu huarmi ruranga. Yanapajcuna caripura huarmipura o aillupura anunga. Yachauj, temamanda tapuira ali intindisha cutipana anga, caita cutipangaj referencia ricuna ushanga. Yachauj rimana o mana rimana anga maican publicacionmanda apishcara.

 11. Yachachishcara uyana. Cai partira shu cari ruranga yachachishcara uyana cuinta. Apéndice A Runaunara llaquina nishca folletomanda apishca ajpi yachauj yachachina anga imasna cai versiculogunara utilizana ashcara Bibliamanda yachachiushcai. Intindichina anga ima nishcara shu versículo, ima huras utilizana, imasna shu runara intindichinas. Cai partira folletomanda apishca ajpi Bibliamanda yachauj ricuchina anga imasna Bibliamanda yachachiushcai pactachingaj. Ministishca ajpi caran lección partii punto 1 tiaj ejemplohua yachachina ushanga, manajpi chi lecciombi tuparij textogunahua yachachinas ushanga.

   12. Pactachinauna. Cai parrafoi, catij parrafoi tiaj yachachinauna utilizana anga “Cuintanunara callari”, “Cuti pasiangaj ri” nishca asignaciongunara cungaj. Shuj rimashca mana tiajpi, cai partiunai yachauj, runauna munashca temamanda yachachina an shinallara huasha mas cuintarisha catingaj shu tapuira o shu tema saquina ushan. Yachauj causashca partii runauna munashca temamanda rimana an. Yachachingaj yanapaigunamanda shu videora shu publicacionda ricuchingaj pai ajllana ushanga. Yachauj asignacionda mana umai huacachishca cuinta rimasha, Bibliamanda yachachinai rurashca cuinta llaquishcahua cuintarina an.

   13. Caran tunu cuintarinauna. Bibliamanda yachauj pai causaushca lugarbi pasanauna cuinta yachachina ushan. Cai ejemplogunas utilizana ushan:

1.  1) Huasi huasii yachachina. Cai anmi runauna huasiunai yachachina (ñahuipura ricusha, telefonomanda cuintarisha o cartagunamanda yachachisha) shinallara huasha paigunahua cuintarinara catisha.

2.  2) Maibis yachachina. Can imara rurashas, maibi ashas, shuj runaunahua cuintariushcai Bibliamanda cuintaringaj callaringui. Huaquimbi tarbanai, escuelais ashcai, camba huasi mayambi, buspi rinai o shuj cosasgunara ruraushcai Bibliamanda shu textora ricuchina ushangui.

3.  3) Pajllais Bibliamanda yachachina. Cai anmi cochegunahua yachachina, negociogunai, ñambiunai, parquegunai, autuuna saquina partii o runauna tiaj lugargunais yachachina.

 14. Videogunara publicaciongunaras utilizana. Yachauj ajllana ushan shu videora shu publicaciondas ricuchingaj. Paihua asignaciombi shu videora ricuchina ajpis o pai ricuchina munajpis, cai videora ricuchina yachachina ushashas mana churana an.

15. Cai parti shu cancionhua callarin. Punda 15 minutogunai tianga shu o ishqui asignacionguna, uyajcunara yanapangaj Diospa Shimira paiguna causaibi churanuchu. Shuj rimashca mana tiajpi, cai asignacionguna shu anciano o shu siervo ministerial ruranga. Congregaciombi ministishcauna parti anciano huauqui tucui huras ruranga. Ansalla tapusha yachachina partiunai, yachachij huauqui tiaj tapuigunara shinallara shuj tapuigunaras rurana ushanga. Callarina shimiuna ansa timpuibi rurana an, huasha tucui iyaigunara yachachisha, tandarinai ajcuna comentariogunara cunuchu ministishca timpura saquina an. Tapusha cuintachina tiajpi, tapushcara aj huauqui o pani ushashaga ñaupajmanda rimana anga, mana paihua tiarina puistumanda.

  16. Congregaciombi Bibliamanda estudiana (30 minutos). Cai parti shu ali yachachij anciano rurana anga (congregaciongunai ansa ancianoguna tiajpi ali yachachij siervo ministerialgunara utilizana ushanun). Cuerpo de ancianos nishca rimanga piguna cai partira rurana ushanun. Rimashca timpui cai huauquiuna tucuchina anun, mas ministishca textogunallara intindichisha shinallara imasna pactachingaj yanapana anun. Caita rurangahua cai publicacionda ricuna ushanun imasna tapusha cutipasha partiunai ali cungahua (w23.04-S pág. 24, recuadro). Tucui parti estudiashca huasha mana ministishca an 30 minutoguna pactanagama. Ushashaga caran semana chican yachachijcuna chican leajcuna ana anun. Tandarinara pushaj huauqui yachachijta uctalla tandarinara tucuchichu mañajpi, pai ricuna an imasna tucuchingaj. Maicambi huaquin parrafogunara mana leana anga.

17. (3 minutos). Tandarinara pushaj huaquin iyaigunara tandarinai yachashcara rimanga. Shinallara huasha semana tandarinai programamanda ansa rimanga. Timpu tiajpi huasha semanai parti charijcunamanda shutira rimana ushanga. Shuj rimashca mana tiajpi, shu comunicadora o cartara leana ministisha tandarinara pushaj tucurina huraspi ruranga. Bibliamanda yachachingaj ringahua, tandarina huasira alichingahua mana tandarina huras ñaupajmanda rimana an, chi randi comunicado churana partii llutanga. Cartara leangahua comunicadogunara rimangahua mana timpu tiajpi “Jesusta catisha causashunchi” partira pushaj huauquiunara paiguna partira ansa pishiyachichu nisha rimanga (ricui  párrafo 16,  19). Tandarina tucuringa cancionhua, oracionda ruranahuas.

18. Yachauj asignacionda cushca huasha, tandarinara pushaj shu minuto charin yachaujta cushiyachingaj, pai tarbashca puntomanda huaquin camachinaunara cungaj. Callarinai tandarinara pushaj huauqui, yachaujcuna ima puntoi tarbaushcara mana rimana an. Yachauj tucuchishca huasha, cushiyachishca huasha, tandarinara pushaj ima puntoi tarbaushcara rimana ushan, yachaujta imarasha ali rurashcangui nisha rimana an, shinallara gustu shimihua mai partii, imasna cuti tarbana ashcara rimana an. Tandarinara pushaj huauqui, yachaujta, congregacionda yanapana ministijta riparasha mas rimana ushan. Tandarina tucurishca huasha o shuj timpui Runaunara llaquina, Yachachishun nishca quillcamanda Benefíciese nishca libromandas yachaujta sapalla ashcai ali camachishcaunara rimana ushan, pai tarbaushca puntomanda o shuj ministishcamandas ( 19,  24,  25 parrafogunai mas yachachishcara tupangaraungui Jesús cuinta yachachisha causasha catishunchi tandarinara pushaj, consejero auxiliar imasna ruranamanda).

19. Tucui asignacionguna rimashca timpui cuna an (shinallara tandarinamanda pushaj shimiunas). Tandarinai tarbana quillca caran asignaciongunama imasna timpui unayana angui nijpi, tucui iyaigunara ña rimashca asha mana mas rimana an. Yachaujcuna asignaciombi timpura pasaujpi, tandarinamanda pushaj manajpi consejero auxiliar nishca huauqui sapalla ashcai paigunahua rimanga (ricui  párrafo 24,  25). Intiru tandarina canciongunahua, oracionda ruranahuas 1 hora, 45 minutogunalla anga.

20. Superintendente de Circuito huauqui pasiashcai, Tandarinai tarbana quillca nishca programa huaquin turcaiguna tianga. “Congregaciombi Bibliamanda estudiana” randi, superintendente huauqui 30 minutogunai discurso de servicio nishcara uyachinga. Cai yachachishcara manara uyashcallaira, pushaj huauqui tandarinai ima yachashcara ricuchinga, shamuj semana tandarinai mas yachana munanuchu yanapanga, ministishca comunicadogunara cuintanga, charishca cartagunaras leangami shinallara superintendente de circuito huauqui yachachingaj callaringa nisha rimanga. Yachachishcara uyachishca huasha superintendente de circuito huauqui pai ajllashca cancionhua tandarinara tucuchinga. Pai shuj huauquira Diosta mañachu ajllana ushan. Cai semanai, huasha cuartoi tiaj partiuna congregacionmanda shimii mana tianga. Shuj shimiunai tiaj grupoguna, pasiana huraspi paiguna tandarinara charina ushanunga, shinajpis intiru congregacionhua pariju superintendente de circuito huauqui yachachishcara uyanunga.

21. Asamblea cai semanai tiajpi tandarinauna mana tianga. Congregacionda iyarichinga chi semanai tiaj yachachishcauna caran huauqui, pani sapalla, ailluhuas ashcai estudianuchu.

22. Jesús huañushcara iyarina tandarina chaupi semanai tiajpi, Jesús cuinta yachachisha causasha catishunchi tandarina mana tianga.

23. Cuerpo de ancianos, cai anciano huauquira ajllanunga. Cai huauqui tandarina ali purunturishca achu, cai yachachinaunara catinuchu ricuna an. Consejero auxiliarhua cuti cuti rimana an. Mushuj Tandarinai tarbana quillca llucshijpi cai huauqui ishqui quillaunaj asignaciongunara churanga. Cai asignacionguna anun yachaujcunaj partiuna, shuj partiuna, shinallara chaupi semana tandarina pushaj partiras. Cai puchucai ishqui partiunaj cuerpo de ancianos ña ajllashca huauquiunamanda ajllana an (ricui  párrafo 3-16,  24). Cai huauqui, Bibliamanda yachaujcunara partira cungaj paiguna huatara, imasna timpu caita rurashca, imasna cuintarina ushashcara ricuna an. Shinallara rurana an tandarinamanda shuj partiunara cungaj. Cai asignaciongunara cungaj quinsa semana ñaupalla cuna anunga. Yachaujcunara asignaciongunara cungaj formulario Tandarinaj asignación Jesús cuinta yachachisha causasha catishunchi (S-89) utilizana an. Shinallara cai intiru tandarinamanda programara huashai churashca anga ricungaj. Cuerpo de ancianos nishca, shuj ancianora shuj siervo ministerialdas cai superintendente nishcara yanapachu ajllana ushanun. Ancianogunalla ajllana anun pi rurana ashcara shuj partiunaras.

24. Caran semana shu anciano huauqui Jesús cuinta yachachisha causasha catishunchi nishca tandarinara pushasha yanapanga (mana ashca ancianoguna tiaj congregaciongunai ali yachachij siervo ministerialgunara utilizana ushanun). Pushaj huauqui callarina shimiunara, tucurina shimiunara purunturinami an. Tucui partiunara pasachinga, ansa ancianoguna tiajpi huaquin partiunara cunga imasna videogunara ricuchingajlla partiunai. Shu partimanda shuj partima pasangaj ansalla rimana an. Cuerpo de ancianos, piguna pushaj cuinta sirvina ashcara ajllanunga. Ajllashca ancianoguna caran semana turcarinunga yanapangaj. Ministirijpi Jesús cuinta yachachisha causasha catishunchi tandarinamanda superintendente, tandarinamanda pushaj cuinta shuj ancianogunamanda yali ruranga. Shu anciano ‘Congregaciombi Bibliamanda estudianara’ pushasha shinallara intiru tandarinara pushasha yanapana ushan. Shinajpis tandarinara pushaj ali rurashcangui nisha rimangaj puruntushca ana an, cai tandarinai partira charijcunara ministirijpi llaquishcahua camachinara cuna an. Shinallara ricuna an tandarina churashca timpui tucurichu (ricui  párrafo 17,  19). Mas timpura charingaj tandarinara pushaj huauqui munashaga, ñaupajpi mas chushaj tiajpi pai shu microfonohua shuj partihuai shayarisha, partira charijcunara cai puistugama sicangaj rimana ushan. Bibliara leana partira charijcuna leanagama, shinallara “Ali yachachijcuna tucushunchi” parti tucurinagama, ñaupajpi churana ushanun shu silla, shu mesa tandarinara pushaj huauqui chibi tiarichu.

25. Usharijpi ajllana ushanun ali yachachij ancianora. Ministishca ajpi consejero auxiliar nishca Jesús cuinta yachachisha causasha catishunchi tandarinai yanapaj ancianogunara, siervo ministerialgunara, Bibliamanda gustu yachachishcara uyana partiunara cujcunara, Atalaya partii yachachijcunara, Congregaciombi Bibliamanda estudianara pushajcunara, shinallara leajcunaras sapalla ashcai camachinga (ricui  párrafo 19). Ashca ali yachachij ancianoguna tiajpi caran huata shutichina ushanun shu ali ancianora caigunai camachisha yanapachu. Mana ministishcachu an caran asignacionda cushcai camachishcara cungaj.

26. Ashca yachaujcuna tiajpi huasha cuartoi cushca partiunara purunturinunga. Caran shuj shu camachij huauquira charinga, yapa ali anga shu anciano achu. Ministishca ajpi shu ali yachachij siervo ministerialda utilizanunga. Cuerpo de ancianos ajllanunga pita caita camachij anga shinallara caran cuti turcana, mana turcana ninunga. Camachij  párrafo 18 rimashcara catina anga. “Bibliamanda valishca yachachishcauna” partii “Valishca iyaigunara mascashunchi” partira charishca huasha, yachaujcunara mañanunga huashai tiaj cuartoma ringaj. “Ali yachachijcuna tucushunchi” partira charishca huasha tucui tandariushcama tigrana anunga.

27. Chaupi semanai tandarinai videogunara ricungaj JW Library® partimanda ricuchinunga caran tunu aparatogunai ricungaj.

© 2023 Watch Tower Bible and Tract Society of Pennsylvania

S-38-QIT 11/23