¿Cai runauna cuinta iyashcanguichu? Huaquimbi Bibliara leangaj munacangui shinajpis mana callaricangui. Ashca runauna cai librora leangaj manzhanun, shinajpi cai libro canda cushi ali causangaj yanapana ushashcara yachasha, Bibliara leangaj gustu ashcara yachasha. ¿Munanguichu Biblia nishcara leangahua?

Ricui huaquin Bibliara leangaj callarisha ashca valij ashcara intindijcuna rimashcaunara.

Ezekiel, 20 huatayuj yali nin: “Ñaupa maima rishas mana yachajcuna cuinta acani shinajpis Bibliara leana yanapahuaca maima rinaras yachangahua. Biblia ali camachishcaunara charin ñucanchij”.

Frieda, 20 huatayuj yali nin: “Ñaupa ashca piñarij acani shinajpis Bibliara leana yanapaca piñarinara saquingahua. Ña mana piñarishcamanda cuna mas amigoguna charini”.

Eunice, 50 huatayuj yali nin: “Bibliara leana yanapahuan mas ali runa angahua shinallara manali ruraigunara saquingahuas”.

Bibliara leana yanapana ushan mas ali causai charingaj imasna cai runaunara shinallara ashca huaranga runaunara yanapashca (Isaías 48:17, 18). Biblia yanapana ushan ali ajllashcaunara apingahua, ali amigogunara charingaj, cushi causaira charingahua shinallara mas valij an ñucanchira Rurajmanda sirtura mas yachangahua. Biblia camachishcauna Diosmanda shamun chiraigu mana ima huras pandarishun cai camachishcaunara uyasha. Tucui Dios camachishcauna ali anmi.

Ashca valij an Bibliara leangaj callarina. Shamuj temagunai ali iyaigunara tupanguimi Bibliara cushihua leasha callaringahua.