23 de mayo de 2023, Estados Unidos llactamanda tucuimanda mandaj director general de salud pública rimacami redes sociales malta runaunara imasna llaquichiushcara.

•   “Redes sociales maltaunara huahuaunaras yanapana ushanmi shina ashas ashcauna ricuchin llaquiuna tiana ushashcara paiguna causaira umai iyairas huajlichina ushashcara” (Social Media and Youth Mental Health: The U.S. Surgeon General’s Advisory, 2023).

 Huaquin estudiashcauna ricuchin yapa llaqui tiaushcara:

•   12manda 15gama huatayuj maltauna “caran punzha quinsa horas redes sociales nishcara utilizasha paiguna umai tiaj ungüigunara mas charina ushanunga, chiraigu yapa llaqui, yapa turbarishca sintirina ushanungas”.

•   14 huatayuj maltauna, “redes sociales nishcara mas timpu utilizashcamanda puñungaj mana ushanun, internetpi huajlichij runaunara tupanun, paiguna quiquin aichara yapa manali ricunun, paigunallara ansalla llaquisha mas yapa llaqui sintirinun, casna tunu malta huarmiunara mas pasaun”.

 ¿Imasnara yayauna paiguna huahuaunara cai pasanamanda cuirana ushanun? Biblia ali camachishcaunara cun.

 Ama cungailla aichu. Camba huahuauna redes sociales nishcara utilizashcamanda ima llaqui tianara ali yachai, huasha ajllangui huahuauna redes sociales nishcara utilizanuchu o mana.

•   Bibliamanda iyai: “Huahuara yachachi ali ñambii purichu” (Proverbios 22:6).

•   Mas yachangahua, “¿Deberían mis hijos usar redes sociales?” nishca temara leai.

 Camba huahuara redes sociales utilizachu saquisha manali pasanamanda cuirai, shinallara paiguna chibi ima ruraushcaunara riparai. ¿Imasnara caita rurana ushangui?

 Camba churiunara cuirai manali pasanaunamanda. Camba huahuara riparachi chibi tiaj cosasgunamanda ima ali ashcara ima manali ashcaras.

•   Bibliamanda iyai: “Shujhua tacarina, tucui irusta rana, cullquira yapajta llaquina, ama rimashcallas uyarichu cangunapura [...] Shinallara ima irus shimis, ima upa cuinta rimanas, ima yanga burlanas mana rimaihuajchu” (Efesios 5:3, 4).

•   Ali camachishcaunara tupangahua, “Enséñele a su hijo adolescente a usar con seguridad las redes sociales” nishca temara leai.

 Ima pactachinara ricuchi. Ejemplo, camba huahua ima huras, masna timpu redes sociales utilizana ushashcara ricuchi.

•   Bibliamanda iyai: “Ricuichi imasna purishcaras, ricushalla puringaj, [...] astaun iyaiyuj cuinta, timpura mana pirdisha” (Efesios 5:15, 16).

•   “Dibujogunahua yachachina” partii Redes sociales nishca ali utilizana anchi nishca temara utilizai yanapangahua camba huahuara intindichu imarasha redes sociales ali utilizana ashcara.