24 de febrero de 2022, Rusia suldaruuna Ucrania llactama macanusha icungaj callarinuca. Ashca huaranga runauna causai llaquii tucushcamanda Ucraniamanda llucshinushca. a

 Járkov (Ucrania) llactamanda Natalia cuintan: “Bombaguna tujyaushcara uyangaj callaricani. Yapa manzharishca acani. Runaunara trengunai llactamanda llucchiushcara yachasha, rinara ajllacanchi. Caran shu ñucanchimanda shu ichilla muchillara apana acanchi. Ñucanchi documentoguna, ambiuna, yacu, ansa micunallara apana acanchi. Tucui shuj cosasgunara saquisha tren terminalma ricanchi bombaguna tujyachiushcai.

 Járkov llactamanda Nadia cuintan: “Puchucai hurasgama mana quiricanchi guerra tiangaraushcara. Ñuca llacta maican partiunai bombaguna tujyashcara uyangaj callaricani, ventanaguna cuyungaj callarica. Ringaj ajllacani ministishca cosasgunallara apasha. Huasimanda ocho tutamanda llucshisha Lviv llactama apaj trenda apicani, huasha shu busta apicani Polonia llactama pactangaj”.

Cai temai cai cati tapuigunara ricushun:

•  ¿Imarasha cai ashca runauna paiguna llactamanda miticusha llucshinun?

•  ¿Cai shinzhi llaqui pasaujcuna maibi shu chapanara tupana ushanun?

•  ¿Cai shinzhi llaqui pasaujcunara Biblia cuna yanapana ushan?

 ¿Imarasha cai ashca runauna paiguna llactamanda miticusha llucshinun?

 Rusia Ucrania llactara guerra rurashcamanda ashca huaranga runauna paiguna causai llaquii ashcai shuj llactaunama rina anuca. Shina ajllaira, Biblia ricuchin mana cai guerramandalla cai shinzhi llaqui tucun.

•   Tucui runa gobiernoguna runauna ministishcara cungaj mana ushanushca. Runaunara ali causaira cuna randimanda paiguna ushaira llaquichingaj utilizanuca (Eclesiastés 4:1; 8:9).

•   Satanás “cai pacha atun apu” cuinta, intiru mundui ashca runaunara manalira rurachin, chimanda Biblia nin: “Intiru munduga manali supai maquii tian” (Juan 14:30; 1 Juan 5:19).

•   Ashca huataunamanda shinzhi llaquiuna tiashca, shinajpi Biblia rimashca timpui causaunchi: “Puchucai timpuunai turmindus punzhauna shamunaungami” (2 Timoteo 3:1). Cai puchucai punzhaunai guerraguna, shinzhi llaquiuna, milli ungüiguna, yarcais tiana aca. Cai llaquiuna tiashcai ashca runauna paiguna huasira llactaras saquisha rinun (Lucas 21:10, 11).

 ¿Cai shinzhi llaqui pasaujcuna maibi shu chapanara tupana ushanun?

 Biblia ricuchin Jehová ñucanchira Ruraj,  b shu llaquij Dios an, causai llaquii ashcamanda huasira llactaras saquisha rijcunara llaquishcahua yanapangaj munanmi (Deuteronomio 10:18). Dios cai runauna llaquiunara tucuchingaj pai ahua pacha gobiernora apamunga, cai gobierno tucui runa gobiernogunara tucuchinga (Daniel 2:44; Mateo 6:10). Shinallara Jehová paihua gobiernohua Supai Satanasta tucuchinga (Romanos 16:20). Diospa gobierno intiru mundura mandanga, cai Allpa ña mana chicanyachishca anga caran llactaunahua. Tucui runauna intiru mundui shujlla aillu cuinta tucununga. Mana pis paihua huasira saquinunga llaqui pasashcamanda, Biblia nin: “Caran shu paihua uvillas chagra ucui, higoguna yura ucui tiarinunga, mana pihuas paigunara manzhachingachu; Tucui Ushaj Jehová shimira casna rimashca” (Miqueas 4:4).

 Yaya Dioslla paihua gobiernohua sirtu pacha huiñaigama tucuchina ushan cuna runauna charishca llaquiunara. Ricushun huaquin Dios pactachina shimiunara:

•   Guerraguna. Jehová “guerragunara tucuchin” (Salmo 46:9). Imasna pai guerraguna tucuchinara yachangaj, “¿Cómo llegará a haber paz en la Tierra?” nishca temara leai.

•   Llaquichina, macanunas. Jehová “llaquichinamanda, macanunamandas paigunara quishpichingami” (Salmo 72:14). Piñanara, shujcunama llaquichinara imasna saquina ushashcara yachangaj, “Rompamos el ciclo del odio” nishca temamanda partiunara leai.

•   Pugri causana. “Yanapaimanda pugri caparijta pai quishpichingami” (Salmo 72:12). Imasna Yaya Dios pugri causana tucuchinara yachangaj, “¿Es realista esperar un sistema económico justo?” nishca temara leai.

•   Yarcai. “Allpai ashca muyuuna tianga” (Salmo 72:16). Tucui runauna ashca micunaunara charinuchu Yaya Dios ima rurangaraushcara yachangaj, “¿Un mundo sin hambre?” nishca temara leai.

 ¿Cai shinzhi llaqui pasaujcunara Biblia cuna yanapana ushan?

 Ari. Shamuj punzhaunaj sumaj chapanara cusha cushi sintichin, astaumbas Biblia ali camachishcaunara cun cuna paiguna pasaushca llaquiunara vinsingaj.

 Bibliamanda iyai: “Imais ama turbarichichu, astaun canguna mañashcauna Diospa ñaupajpi uyarinauchu tucui mañashcahua, rugashcahua, agrasishcahua. Shinasha, Diospa tucui intindinara pasaj cushi canguna shunguras, canguna iyairas huacachingami Cristo Jesuspi” (Filipenses 4:6, 7).

 Intindichishca: Ima tunu llaqui pasasha, Yaya Diosta mañai camba iyaira shunguras ganaslla sintichingaj. Caimanda mas yachangaj, “Filipenses 4:6, 7 | ‘No se inquieten por nada’” nishca temara leai.