JW LIBRARY
JW Library nisqata servichikusun (Android)
¡Allinmi JW Library nisqanta servichikusqaykiqa! Kay yanapakuyqa ruwasqam kachkan bibliata leespa estudianaykipaq. Kay yanapakuytaqa kichawaqmi tabletnikipa utaq celularnikipa ichuq lawninmanta alliq lawninman dedoykiwan chutaykuspa, utaq hanay kuchuchanta ñitiykuspa.
Biblia
Biblia niqpi ñitiykuptikim kichakunqa bibliata leenaykipaq, chaypim churawaqtaq bibliataqa huk rimaykunapipas. Leenaykipaqqa huknin librota akllaykuspam capitulonta akllanayki. Leesqaykiman hinam willakuyninkunatapas leewaq, chay versiculowan tupaq huk textokunatapas hinaspa huk rimaykunapi bibliatapas leewaqmi. Bibliapa huknin libronta leeyta munaspaykiqa chutaykuspa biblia niqpi kaqlla ñitiykuy, hinaptinmi bibliapa lliw libronkuna rikurinqa.
Publicaciones
Publicaciones nisqanpi ñitiykuptikiqa kichakunqam qillqakuna, videokuna hinaspa uyarinallapaq kaqkuna. Mayqan qillqatapas akllay leenaykipaq, akllaytaq mayqan yachachikuynintapas. Leesqaykiman hinam atiwaq bibliapa textonkuna leeytapas. Chaypaqqa ñitinaykim textopa hawachanpi. Chay textopa enteron capitulonta qawanaykipaqqa ñitinaykim hina chay textollata. Huk qillqataña leeyta munaspaykiqa kaqmanta ichuq lawta dedoykiwan chutaykuy hinaspa ñitiy Publicaciones nisqanpi.
Texto diario
Dedoykiwan kaqllamanta chutay hinaspa Texto diario niqpi ñitiy Diospa palabranta sapa punchaw estudianaykipaq.
Internet
Internet niqpiñataqmi kachkan internetpi direccionninchikkuna.
Chayllaraq lluqsimuqkuna
Tabletnikipi kaykunaman yaykunaykipaqqa chayllaraq lluqsimuq JW Library nisqam kanan.
Chayllaraq lluqsimuqta tabletnikiman churayta munaspaykiqa yaykuy: https://support.google.com/nexus/answer/4457705.
Munaspaykiqa, churawaqmi tabletnikipi kikillan rikurinanpaq. Chaymanta astawan yachayta munaspaykiqa kaypi qaway: https://support.google.com/googleplay/answer/113412.
