JW LIBRARY
Qillqakunata hurquspayki munasqaykiman hina churay (iOS)
JW Library nisqanpim achkallaña qillqakuna hinaspa videokuna kachkan.
Qatiqninpi yanapaykunata qaway qillqakunata hurqunaykipaq:
¿Imaynatam qillqakunata hurquna?
Chaykunata internetmanta hurquspaykiqa mana internetllawanñam qawawaq.
Ñitiy Publicaciones nisqanpi, chaypim achka qillqakunata tarinki.
Akllay maskasqayki rimayta. Qallariyllanpim rikurichkan ima rimaykunata sapa kuti astawan akllasqayki. Qillqawaqtaqmi maskasqayki rimaytapas.
JW Library nisqanpiqa tukuy imaymanatam qillqakunata maskawaq.
Categorías nisqanpi ñitiykuptikiqa librokuna, huk qillqakuna hinaspa videokunam sumaq rakinasqa kachkan akllasqayki rimaypi. La Atalaya nisqanpi ñitiykuptikiqa rikurinqam ima watamanta ima watakama kaq Atalaya qillqakuna sumaq rakinasqa. Qallariyninman kutinaykipaqqa Todas las categorías niqpi ñitiy.
Lo nuevo nisqanpi ñitiykuptikiñataqmi chayllaraq lluqsimuq qillqanchikkuna rikurimunqa ima rimaypi maskasqaykiman hina.
Manaraq hurqusqayki qillqakunaqa waqtachanpi puyu dibujochayuqmi kachkan. Hurquy munasqayki qillqapa hawanpi ñitiy. Hinaspa suyachaykuy rayacha huntanankama. Kaqmanta ñitiykuspaqa chay qillqataqa leewaqñam.
Descargado niqpi ñitiykuptikiñataqmi ima rimaypipas hurqusqayki lliw qillqakuna rikurimunqa. Allichanaykipaqqa kayna dibujochapi ñitiy hinaptinmi lluqsimunqa Las que más usa, Las que menos usa utaq Tamaño nisqankuna.
¿Imaynatam qillqakunata chinkachina?
Manaña servichikunaykipaq kaq qillqakunataqa chinkarachiytam atiwaq.
Chaypaqqa ñitiy manaña servichikunaykipaq kaq qillqapa waqtachanpi kimsa puntochakunata, hinaspa ñitiy borrar niqta.
Tukuy ima hurqusqayki tabletnikiman huntaruptinqa chinkarachiwaqmi mana ancha servichikusqayki kaqkunata. Chaypaqqa Descargado niqpi ñitiy hinaspa allichay Las que menos usa utaq Tamaño nisqankunapi. Manaña servichikunaykipaq kaq qillqata chinkachiy.
¿Imaynatam kaqmanta qillqakunata hurquna?
Wakinpiqa hurqusqaykiña kaq qillqam allichasqa lluqsimun.
Chay allichasqa kaq qillqakunaqa sutillam kachkan uray patachanpi flechacha muyuriq dibujochayuq. Chay qillqapa hawachanpi ñitiykuptikim rikurimunqa iskay willakuykuna. Hina chay horalla musuq kaqta hurquyta munaspaykiqa ñitiy Descargar ahora niqpi, manachayqa hukninta ñitiy leenaykipaq.
Allichasqaña qillqakuna lluqsimusqanta yachanaykipaqqa dedoykiwan ichuq lawmanta alliq lawman chutay hinaspa ñitiy Publicaciones niqpi. Allichasqa qillqakuna kaptinqa rikurinqam Actualizaciones pendientes niq. Chaypi ñitiy allichasqa qillqakunata qawanaykipaq. Munaspaykiqa sapa qillqapa hawanpim ñitiwaq. Tabletnikipa alliq lawninpi urayman qawamuq flechachapi ñitiykuptikiñataqmi lliw qillqakuna hurqukunqa.
Kay yanapakuykunaqa 2015 watapa febrero killanpim lluqsimurqa JW Library 1.4 nisqawan, chayqa tupanmi iOS 6.0 nisqawan chay qipaman lluqsimuqkunawanpas. Chay yanapakuykunata mana tarispaykiqa, ama hina kaspa qaway: “JW Library nisqata servichikusun (iOS)” nisqa yachachikuypi lluqsimuqta. Chaypim kachkan Chayllaraq lluqsimuqkuna niq.
