JW LIBRARY
Bibliata hurquspayki munasqaykiman hina churay (Windows)
JW Library nisqaqa yanapasunkim bibliata leenaykipaq hinaspa estudianaykipaq.
Kaypi yanapakuykunata servichikuspayki bibliata hurquspayki munasqaykiman hina churay:
¿Imaynatam bibliata hurquna?
Achka bibliakunatam hurquruwaq mana internetllawanña estudianaykipaq.
Aparatoykipa hanay patachanpi Biblia hinaspa Libros niqpi ñitiy, hinaptinmi bibliapa libronkuna rikurimunqa.
Commandos de la aplicación nisqata kichay hinaspa Idiomas niqpi ñitiy bibliakuna lluqsimunanpaq. Hanaynin lawpim rikurin sapa kuti ima rimaypi leesqayki bibliakuna. Qillqawaqtaqmi maskasqayki bibliapa sutintapas utaq ima rimaypi kasqantapas. Qillqawaqmi “i-n-t” niqta Kingdom Interlinear bibliata tarinaykipaq utaq “p-o-r-t” niqta portugués rimaypi bibliakunata tarinaykipaq.
Manaraq hurqusqayki bibliakunaqa waqtanpi puyu dibujochayuqmi kachkan. Hurquy munasqayki bibliapa hawanpi ñitiy. Hurquptikiñam puyu dibujochaqa chinkanqa. Yapamanta ñitiykuspaqa chay bibliataqa leewaqñam.
Munasqayki bibliata mana tarispaykiqa yapapiña kaqlla maskay. Huk rimaykunapipas lluqsiramuptinqa chaypim rikurinqa.
¿Imaynatam bibliata chinkachina?
Manaña servichikunaykipaq kaq bibliataqa chinkarachiwaqmi utaq chaypa rantinpi huktaña hurqunaykipaqpas.
Chaypaqqa aparatoykipa hanay patachanpim Biblia hinaspa Idiomas niqpi ñitiy bibliakuna lluqsimunanpaq. Chinkachiyta munasqayki bibliapa patanpi Más niqpi ñitiy ninaspa Borrar niqpi ñitiykuy.
¿Imaynatam musuqmanta hurquna?
Wakinpiqa ichapas hurqusqayki biblia allichasqaña kasqanrayku musuqmanta hurqunaykipaq sutilla rikurinqa.
Allichasqa kaq bibliakunaqa sutillam kachkan patachanpi ruyru flechachayuq. Chaypi ñitiykuptikim hurqunaykipaq willakuy rikurimunqa. Chay ratulla musuq kaqta hurqunaykipaqqa descargar ahora niqpi ñitiy, manachayqa descargar después niqpi ñitiy.
Kay yanapakuykunaqa 2015 watapa febrero killanpim lluqsimurqa JW Library 1.4 nisqawan, chayqa tupanmi Windows 8.1 nisqawan chay qipaman lluqsimuqkunawanpas. Chay yanapakuykunata mana tarispaykiqa, ama hina kaspa qaway: “JW Library nisqata servichikusun—Windows,” nisqa yachachikuypi lluqsimuqta. Chaypim kachkan Chayllaraq lluqsimuqkuna niq.
