Jw.org nisqan computadorapi servichikunapaq kaptinpas servichikuwaqtaqmi celularpi utaq tabletpipas. Ichaqa chaykunapi maskaspa ñitinanchikpaq kaqchakunaqa manam computadorapi hina hatunchu aswan uchuychakunallam. Chaymi qatiqninpi willakuykuna yanapasunki jw.org nisqanta allinta servichikunaykipaq.

•  Imata ñitispa maskanapaq

•  Ima yachachikuypatapas capitulonta utaq parrafonta qawanapaq

•  Bibliata internetpi imaynata leenapaq

•  Grabasqa kaqkunata imaynata uyarinapaq

Computadorapiqa hanaynin lawpim maskay munasqaykita ñitinaykipaq kinrayninpa lawman rikurin. Celularpi utaq tabletpim ichaqa rikurin ichuqnin lawpi urayninpaman. Manataqmi computadorapi hinachu mana servichikuptikiqa sutillata rikurin.

Chaymantapas chaykunaqa letrakuna hatuncha rikurinanpaqmi chaylla pakakun.

• Maskasqaykita tarinaykipaq puntuchayuq kimsa yayachakunapa hawanpi ñitiy. Hinaptinmi rikurinqa pisi rimayllapi willakuykuna, chayman hina yachay munasqaykipa hawanpi ñitiy.

• Sapa yachachikuyta tarinaykipaq urayninpaman flechayuq cuadrochata ñitiy imakunamanta kasqanta qawanaykipaq, hinaspa yachay munasqaykipa hawanpi ñitiptikim chaylla kichakunqa leenaykipaq.

• Qallariyninman kutiyta munaspaqa hanayninpaman flechayuq cuadrochapi ñitiy.

• JW.ORG nisqanpi ñitispaqa qallariyninpi qawasqaykimanmi kutinki.

• Ima rimaypi maskayta munaspaqa runayuq hinaspa A letrayuq cuadrochapi A letrapa hawanpi ñitiy.

• Kaypi ñitiy Maskanapaq, asllata maskaynata munaspaykiqa Buscar contenido niqpi ñitiy.

Mayqin qillqapipas imakunamanta yachachisqanta qawayta munaspaykiqa sayanpa rayayuq ichuq lawman flechayuq cuadrochapi ñitiy.

• Ñawpaqta qawasqayki yachachikuyman kutiyta munaspaqa hanayninpi ichuq lawman flechayuq cuadrochapi ñitiy.

• Huk capitulotaña leeyta munaspaqa chay leesqaypa qallariyninman kutiy utaq tukuynikama chayay.

• Qatiqnin yachachikuyta leeyta munaspaqa hanayninpi alliq lawman flechayuq cuadrochapi ñitiy.

• Mayqin qillqapipas imakunamanta yachachisqa paginata manaña hawayta munaspaqa sayanpa rayayuq alliq lawman flechayuq cuadrochapi ñitiy.

Ñitiy QILLQAKUNA > BIBLIA nisqapi utaq bibliata hurquy nisqanpi “Internetpi biblia”.

Biblia nisqanpi ñitispayki mayqin libro leey munasqaykita akllay hinaspa mayqin capitulota leeynaykipaqpas numeropa hawanpi ñitiy.

Leesqaykiman hinam chay hatun rayaqa hinalla rikurinqa chaynataq qatiqnin capituloman pasanaykipaq flechayuq hanaypi cuadrochakunapas.

Tabletnikipi utaq celularnikipi letrakuna enteronpi rikurinanta munaspaqa clavoyuq hinaspa cruzchayuq hina cuadrochapi ñitiy. Huk capitulotaña leeyta munaspaqa chay leesqaypa qallariyninman kutiy utaq tukuyninkama chayay.

Leesqaykiman hina biblia rikurinanta munaspaykiqa clavochayuq hina cuadrochapi ñitiy.

• Bibliapi librokunata qawayta munaspaykiqa hanayninpaman rayayuq ichuq lawman flechayuq cuadrochapi ñitiy.

•  Leesqaykipa ñawpaqnin capitulota leeyta munaspaykiqa ichuq lawman flechayuq cuadrochapi ñitiy.

• Qatiqninpi capitulota leeyta munaspaykiqa alliq lawman flechayuq cuadrochapi ñitiy.

• Bibliapi librokuna listapi hina mana rikurinanta munaspaykiqa hanayninpaman rayayuq alliq lawman flechayuq cuadrochapi ñitiy.

Mayqin qillqapas grabasqa kaptinqa yaqa qallariyllanpim hatun raya rikurinqa.

• Uyariyta munaspaykiqa punta kaq cudrochapi ñitiy.

• Manaña uyariyta munaspaykiqa utaq sayachiyta munaspaqa hanayninpaman iskay rayachayuq cuadrochapi ñitiy. Hinalla uyariyta munaspaqa kaqmanta ñitiy chay cuadrochata.

• Uyarisqaykita kaqmanta uyariyta munaspaqa hatun yana rapi ruyruchata qipaman kutirichiy. Utaq qatiqninpi kaqta uyariyta munaspaqa ñawpaqman chay ruyrucha kuyuchiy.

Grabasqata uyaristin leeptikiqa, leesqaykipa ichuq lawninpi rikuriq hatun raya kachkan chayqa yanapasunkim uyarisqaykita mana upallachispalla leesqaykita hanayman utaq urayman kuyuchinaykipaq utaq uyarisqayki tukuruptinqa kaqmanta ñitinaykipaq.