Kay 2023 watapipas munanchikmi kikinchikpas hinaspa ayllunchikpas allin kanankuta. ¿Imanasqataq suyachwan imapas allin kananta?

 Bibliaqa sumaq willakuykunamantam willawanchik. Ninmi kunan tiempopi sasachakuykunaqa mana wiñaypaq kananmanta, aswanqa tukunanmanta. Bibliapi imapas nisqanqa “yachachiwananchikpaqmi qillqasqa kachkan. Chaynapi [...] Diospa qillqanwan sunqunchikta tiyaykachispanchik Diospa quwananchikta suyananchikpaq” (Romanos 15:4).

•   Bibliapi Diospa promesankunamanta astawan yachayta munaspaykiqa leey “Hamuq tiempopiqa kusisqañam kawsakusun” niqta.

 Hamuq tiempopi allinña kawsakunanchikmanta bibliapa nisqanqa ‘boteta sayachiq llasaq fierro hinam’ (Hebreos 6:19). Promesankunata Dios cumplinanmanta mana iskayrayasqanchikmi yanapawanchik sasachakuykunata aguantanapaq, mana hukmanyanapaq hinaspa imaña kaptinpas kusisqa kanapaq.

•   Yachaykuy trago tomayman qukuruyninta saqinanpaq huk runata bibliapi nisqankuna imayna yanapasqanmanta. Qaway “Imayna kawsasqaywanmi hukmanyasqa tarikurqani” niq videota.

•   Yachaykuytaq kuyasqa ayllunchik wañukuptin bibliapa nisqankuna imayna yanapawasqanchikmantapas. Qaway “Waqaqkunapa sunqunkuta tiyaykachinapaq” niq videota.

 Achka runakunam piensanku imapas allinña kananta, ichaqa manam pipas ninmanchu chaynapuni kananmantaqa. Bibliapa nisqankunam ichaqa cumplikunqapuni, ¿imanasqa? Chay promesakunata kikin Jehova Dios a nisqanraykum, payqa “mana llullakuq Diosmi” (Tito 1:2). Payllam promesankunata cumplinanpaq atiyniyuqqa. ‘Payllam munasqanta ruwaqqa’ (Salmos 135:5, 6).

 Qamqa confiawaqmi bibliapa nisqankunapi. Chaymi kallpanchaykiku ‘Diospa palabranta sapa punchaw allinta estudianaykipaq’ (Hechos 17:11). ¿Munawaqchu mana qullqillapaq bibliamanta yachayta? ¡Kay 2023 watatayá qallaykuy allin kaqkunata ruwaspa!