Enteron pachapim mana haykapipas rupasqanman hina llumpa-llumpayta rupakamuchkan. Chayraykutaqmi tukuy imapas pasakuchkan. Kaypim kachkan organizacionkunapa ima nisqanku:

•   Oficina Nacional de Administración Oceánica y Atmosférica, Departamento de Comercio de Estados Unidos nisqanmi kaynata nirqa: “174 wata ñawpaqtam qawayta qallaykurqaku inti imayna rupamusqanta. Chaymanta kunankamaqa manam haykapipas rupamurqachu kay junio killapi rupamusqanman hinaqa”, nispa (13 de julio de 2023).

•   Agencia Espacial Europea nisqapas kaynatam nirqa: “Italia, España, Francia, Alemania hinaspa Polonia nacionkunapim llumpa-llumpayta rupachkan. Yaqachusmi Sicilia hinaspa Cerdeña sutiyuq islakunapiqa 48 ºC nisqaman rupayqa chayanqa. Chayna rupayqa yaqachusmi Europa lawpiqa mana haykapipas karqachu”, nispa (13 de julio de 2023).

•   Hidrología, Recursos Hídricos y Criosfera de la Organización Meteorológica Mundial niqpi director Stefan Uhlenbrookmi nirqa: “Allpa pachanchik llumpayta ruparisqanraykum parapas llumpay kanqa, chayraykutaqmi llaqtakunatapas lluqlla apanqa”, nispa (17 de julio de 2023).

 Ichapas kayna noticiakunata uyarispayki llumpayta preocupakunki. Qaway kaykuna pasakunanmanta bibliapa ima nisqanta.

 Arí. Tukuy imakuna pasakusqanqa kay tiemponchikpi imakuna pasakunanmanta bibliapa nisqanwanmi tupan. Jesusmi nirqaña ‘manchakuypaq kaqkunata’ rikunanchikmanta (Lucas 21:11). Achka runamasinchikkunam preocupasqa kachkanku llumpay rupay hinalla yapakusqanwan, manchakunkutaqmi kay allpa pachanchikta runakuna llumpayta qachachasqankurayku allpanchik chinkarunantapas.

 Manam. Diosqa allpa pachataqa unancharqa runakuna wiñaypaq yachananchikpaqmi, payqa manamá saqinqachu runakuna chinkachinantaqa (Salmos 115:16; Eclesiastes 1:4). Diosqa kikinmi nin ‘kay pacha qanrachaqkunata chinkachinanmanta’ (Apocalipsis 11:18).

 Bibliapim niwanchik llumpay para utaq llumpay rupay kasqanrayku kay allpa pacha mana yachanapaq hinaña kananta Dios mana saqinanmanta.

•   Salmos 107:29 nisqanpim nin: “[Diosqa] llumpa-llumpay wayratam sayachin. Lamar quchapa urquchakusqantam hawkayachin”, nispa. Diosqa atiyniyuqmi llumpay rupayta, llumpay parata hinaspa terremotokunata controlananpaqqa. Payqa chaykunatam allichanqa runakuna manaña ñakarinanchikpaq.

•   Salmos 65:9 nisqanpim nin: “Qanmi kay allpa pachata cuidanki, chaymi kay allpa pachaqa tukuy imayuq”, nispa. Diosmi kay allpa pachanchikta suma-sumaqta huertayachinqa.

 Kay allpa pachanchikta Dios imayna allichananmanta astawan yachanaykipaq qaway “¿Quién salvará el planeta?” nisqanta.