Haitiy nacionpim mana allin runakuna astawan mirarun. Sudafricapipas, Mexicopipas, America lawpipas mana allin qura hinañam mirarun. Wakin nacionkunapiñataqmi runakunata mana imanaspankupas, imankupas kaqta apakunku, chaykunawanmi runakunaqa mancharisqallaña tarikunku.

 ¿Ima nintaq bibliapi mana allin runakuna mirasqanmanta?

 Bibliapiqa nirqañam “kay tiempopa tukupayninmanta” rimaspan mana allin ruwaykuna mirananmanta (Mateo 24:3). Jesucristom kay tiempopi imakuna pasanamanta rimaspan nirqa:

•   “Chaynallataqmi tukuy mana allinkuna yapakusqanrayku yaqa llapallan runakuna manaña kuyakuq kanqaku”, nispa (Mateo 24:12).

 Bibliapiqa nirqataqmi “tukupay punchawkunapiqa” runakuna imayna kananmanta, nirqam: “Runakunam kanqaku [...] mana controlakuqkuna, animal hina piña runakuna, allin kaqkuna ruwayta mana munaqkuna”, nispa (2 Timoteo 3:1-5). Chayraykum runakunaqa manaña autoridadkunatapas kasukunkuñachu.

 Ichaqa tukuy chaykunaqa allichakunqam. Bibliapim nin mana allin runakunawan mana allin ruwaykunaqa chinkananta.

•   “Ñam chayaykamuchkanña mana allin ruwaqkunapa chinkachisqa kayninkuqa. Maskaspapas paykunataqa manañam tarinkichu. Llampu sunquyuqkunam ichaqa kay allpa pachapi yachanqaku. Paykunaqa kusikuywanmi hawkayaypi kawsakunqaku” (Salmos 37:10, 11).

 ¿Imatapiwanraqtaq bibliapi nin hamuq tiempomanta? ¿Imaynanpitaq ninchik bibliapi willakuykuna cumplikusqanrayku tukuy ima pasakusqanta? Chaymanta yachanaykipaq leey kaykunata:

 Hamuq tiempopiqa kusisqañam kawsakusun

 ¿Cuál es la señal de “los últimos días” o “los tiempos finales”?

 ¿Predijo la Biblia cómo sería la gente en nuestros días?