Ucraniapi guerra kasqanraykum hinaspa llumpay rupay chaynataq llumpay chiri kasqanraykum wakin nacionkunapi wakcha runakunapaq mikuy manaña haypanchu.

•   Naciones Unidas nisqapi secretario general Antonio Guterresmi nirqa: “Guerrakuna kasqanrayku, llumpayta rupamuspan chirimusqanraykum chaynataq llapa imapa precion subisqanraykum kawsaykuna mana allintañachu qispin chaynataq mikuypas manaña haypakunchu”, nispa (17 de julio de 2023).

•   Huk periodicopim nin: “Yachaysapa runakunam ninku: ‘Ucrania nacion llapa kawsayninkuta huklaw nacionkunaman mana sasachakuspalla rantikunankupaq acuerdo ruwasqankumantam Rusia lluqsikurun, chaymi astawanraq muchuy kanqa hinaspa llapa imapa precionpas subinqa, chayqa astawanmi kanqa Africa lawpi chaynataq Oriente Medio lawpi mana achka qullqiyuq nacionkunapi’, nispa” (Atalayar.com, 23 de julio de 2023).

 ¿Imatam bibliaqa nirqaña muchuymanta hinaspa hamuq tiempopi ima pasananmanta?

•   Jesusmi nirqa: “Huk nacionmi peleanqa huklaw nacionwan chaynataq huk gobiernopas huklaw gobiernowan, kaypi-chaypim kanqa muchuypas”, nispa (Mateo 24:7).

•   Bibliapim Apocalipsis libropi willawanchik tawa caballopi sillakuqkunamanta. Huknin caballopi sillakuqmi tupan guerrawan, qatiqninñataq muchuywan. Kaynata tupachispam willawanchik muchuy kananmanta chaynataq tukuy imapa precion llumpayta subinanmanta. Bibliapim nin: ‘Hinaptinmi qawarispay huk yana caballota rikururqani, sillakuqninmi huk balanzata hapichkasqa. Chaymi […] kayna qayakuyta uyarirqani: “Huk kilo trigollam huk jornalpa chanin qullqipaq kanqa, kimsa kilo cebadapas huk jornal qullqipa chaninmi kanqa”’, nispa (Apocalipsis 6:5, 6, Chuya Qellqa 2012).

 Bibliapi muchuy kananmanta willakusqanmi kunan tiemponchikpi cumplikuchkan, kay tiemponchiktam bibliapi sutichan: ‘Tukupay punchawkuna’, nispa (2 Timoteo 3:1). Tukupay punchawkunamanta hinaspa caballopi sillakuqkunamanta astawan yachanaykipaq qaway 1914 watamantam tukuy ima mana allinllaña kachkan sutiyuq videota, leewaqtaqmi “¿Imakunawantaq tupan tawa caballopi sillakuqkunaqa?” niq yachachikuytapas.

•   Bibliapim tarinchik wakcha kaspapas utaq llapa imapa precion subiptinpas allinlla kawsakunapaq achka yachachikuykunata. Chaymantam leewaq “Imakunatam ruwachwan qullqinchik pisiptin” niq yachachikuypi.

•   Bibliaqa sunqunchiktapas tiyaykachinmi hamuq tiempopi allinña kawsakunanchikmanta willawaspanchik. Ninmi ‘kay allpa pachapi kawsaykuna achkallaña qispinanmanta’ hinaspa manaña pipas yarqaymanta kananmanta (Salmos 72:16). Chayna kananmanta hinaspa cumplikunanmanta seguro kanapaq leey “Hamuq tiempopiqa kusisqañam kawsakusun” niq yachachikuyta.