Gobiernoman chayayta munaq runakunam wañuchinakuchkanku.

•   Mexicopim kay 2023 watamanta 2024 votacion tiempopaq alistakusqankupi 39 gobiernoman chayayta munaq runakunata wañurachirqaku, kayqa llumpaymi. Manam chayllachu, karqataqmi imaymana wañuchinakuypas.

•   Europapipas yaqa chaynam pasarqa, manam chayllachu, yaqallam wañurachirqaku Eslovaquiapi primer ministrota. Chayqa pasarurqa kay 2024, 15 punchaw mayo killatam.

•   Estados Unidospipas kay 2024, 15 punchaw Septiembre killallapim kaqmanta yaqalla wañurachirqaku Donald Trumpta, payqa Estados Unidospi gobiernota pasaqmi. Chaymi runakunaqa mancharisqallaña kachkanku.

 ¿Imaynanpitaq gobiernoman chayayta munaq runakuna chiqninakunku? ¿Yaqachu haykaqllapas tukunqa? ¿Imatam biblia nin?

 Bibliapiqa nirqañam kay tiemponchikmanta, kay tiemponchiktam bibliapiqa nin: ‘tukupay punchawkuna’, nispa. Nintaqmi runakunapas chiqninakuqllaña, imatapas mana allinlla allichayta munaqkuna kanankumanta.

•   “Tukupay punchawkunapiqa mana haykapipas qawasqanchik sasallaña punchawkunam kanqa. Runakunam kanqaku kikillankupi piensaqkuna, [...] mana agradecekuqkuna, runamasin qipanchaqkuna, [...] acuerdoman mana yaykuqkuna, [...] animal hina piña runakuna, [...] runamasin traicionaqkuna, mana uyarikuqkuna, capaztukuqkuna” (2 Timoteo 3:1-4).

 Bibliapiqa nintaqmi kay tiemponchikpiqa gobiernokunapa contranpi hatarinankumanta, gobiernopi kaq runakuna tukuyta ruwanakunankumanta (Lucas 21:9, nota). Ichaqa gobiernoman chayayta munaqkunapa chiqninakusqankuqa, tukuyta ruwanakusqankuqa manam wiñaypaqchu kanqa.

 Bibliapim nin llapallan gobiernokunata utaq kamachiqkunata chinkachispan Diosllaña kamachinanmanta.

•   “Kamachiqkuna kamachichkaptinmi hanaq pacha Diosqa runakuna kamachiyta qallarinqa [...] Diosmi chay kamachiqkunata ñutupaspan qalaypaqta chinkachinqa, hinaspam payllaña wiña-wiñaypaq kamachinqa” (Daniel 2:44).

 Dios kamachiptinmi enteron pachapiqa hawka kasun, hukllam kasun.

•   Jesucristotam Dios churaykun kamachinanpaq, payqa “hawkayayta apamuq” kamachiqmi. Payqa tukuytam ruwanqa hawkayay kananpaq (Isaias 9:6, 7).

•   Kunanmantam Jesucristoman sayaqkunaqa hawka kawsakuyta yachachkanku. Bibliapim paykunamanta nin: “Espadankumantapas yapunapaq rejakunatañam ruwanqaku, lanzankumantapas rutunakunatañam ruwanqaku. Runakunapas manañam peleanqakuñachu, wañuchinakuyqa manañam kanqañachu” (Isaias 2:3, 4).

 Kaymanta astawan yachayta munaspaykiqa leey kayta “¿Qué cosas logrará el Reino de Dios?” qawaytaq kay videota ¿Imaynatam Diosqa allpa pachata kamachimunqa?