Organización Mundial de la Salud (OMS) nisqanman hinaqa 2022 watapi 23 de mayo punchawkamaqa 6.27 millon masnin runakunañam wañururqaku coronavirus unquywan. Chaywanpas 5 de mayopim nirqaku wañukuqkunaqa masraq kasqanta. Chaypim nirqaku 2020 hinaspa 2021 watapi 14.9 millon masnin runakuna coronavirus unquywan wañukusqankumanta. Kaynaña runakuna wañukusqankumantaqa ¿bibliaqa imallatapas ninchu?

•    Jesusqa nirqañam ‘tukupay punchawkunapi’ “kaypi-chaypi unquykuna” kananmanta (2 Timoteo 3:1; Lucas 21:11).

 Jesuspa kayna nisqanqa kay tiempopim cumplikuchkan. Astawan yachanaykipaq leeykuy ‘¿Cuál es la señal de “los últimos días” o “los tiempos finales”?’ niq yachachikuyta.

•    Bibliapim nin: ‘Tukuy imapi sunqunchik tiyaykachiq Diosmi [...] tukuy sasachakuyninchikpi sunqunchikta tiyaykachin’, nispa (2 Corintios 1:3, 4).

 Achka runakunam ayllunku wañukuptin bibliapa yachachikuyninkunawan consuelasqa karqaku. Astawan yachanaykipaq leey “Sunquyki tiyaykunanpaqqa: Kaykunam yanapasunki” hinaspa “Wañukuq aylluyuqkunapaq yanapakuy” niq yachachikuykunata.

•    Bibliapim nin: “Qamñayá kamachiwayku. Munasqaykiyá ruwasqa kachun kay pachapipas hanaq pachapi hina”, nispa (Mateo 6:10).

 Ñam “Diospa gobiernonqa” kamachiwasunña, chaypiqa “manañam pipas ninqañachu: ‘Unquchkanim’, nispanqa” (Marcos 1:14, 15; Isaias 33:24). Diospa gobiernonmanta hinaspa ima ruwananmanta yachanaykipaq qaway ¿Imataq Diospa munaychakuyninqa? sutiyuq videota.

 Munaymankum qampas chaynataq familiaykipas bibliapa consejonkunamanta hinaspa hamuq tiempopi imaynaña kawsakunanchikmanta yachaykunaykichikta.