2022 watapim 20 de noviembre punchaw Conferencia de las Naciones Unidas sobre el Cambio Climático (COP27) niq hatun huñunakuy tukurqa. Chaypi huñunakuqkunam tantiarurqaku llumpay para kaptin, mana para kaptin utaq imapas kaptin sasachakuypi tarikuq nacionkunata qullqiwan yanapanankupaq. Chayna tantiasqanku allinpaq rikchakuptinpas runakunam ninku chayqa sasachakuykunata mana tukuchinanta.

•   Naciones Unidaspi secretario Antonio Guterresmi 19 de noviembre de 2022 punchawpi nirqa: “Chayna sasachakuypi kaqkunata yanapanapaq tantiayqa allinmi. Ichaqa manam chayllawanchu sasachakuykunataqa tukuchisun. Allpa pachanchikqa hinallam aswanyachkan”, nispa.

•   Mary Robinsonpas kaynatam nirqa: “Allpa pachanchik llumpay qachachasqa kasqanraykum tiempopas aswanyachkan”, nispa (ex presidenta de Irlanda y ex alta comisionada de la ONU para los Derechos Humanos, 20 de noviembre de 2022).

 Musu-sipaskunam astawanqa preocupakunku allpa pachanchik imayna kananmanta. ¿Yaqachu gobiernokuna hukllawakuspanku imatapas ruwayta atinmanku tiempo mana cambiananpaq? ¿Imatam biblia nin?

 Allpa pachanchik allin kananpaq runakuna imataña ruwayta munaptinkupas bibliaqa ninmi mana allichayta atinankumanta. ¿Imanasqa?

•   Eclesiastes 1:15 nisqanpim kaynata nin: “Qiwisqa kaqtaqa manam derechayta atichwanchu”, nispa.

   ¿Ima ninantaq chayqa? Diosqa unanchawarqanchik manam kamachinakunapaqchu, chaymi gobiernokunapa imapas ruwasqankuqa mana lliwchu allin lluqsin (Jeremias 10:23). Gobiernokuna hukllawakuspanku imataña ruwaspankupas manam sasachakuykunata allichaytaqa atinmankuchu.

•   2 Timoteo 3:2, 3 nisqanpim kaynata nin: “Runakunam kanqaku kikillankupi piensaqkuna, qullqilla kuyaqkuna [...], acuerdoman mana yaykuqkuna”, nispa.

   ¿Ima ninantaq chayqa? Bibliaqa nirqañam kay tiempopi runakunaqa kikillanpaq munaqkuna hinaspa hukkunapa allinninta munaspan hukkunawan kuska mana llamkay munaqkuna kananmanta. Chaynamá runakunaqa kachkan.

 Kay allpa pacha allin kananpaqqa manam runakunapa makinpichu. Diosqa akllarunñam kay allpa pachanchikta allin kamachiqta, payqa Jesucristom. Bibliam paymanta kaynata nin:

•   “Payqa kamachiqmi kanqa, paytaqa sutichanqaku: Suma-sumaqta rimapayakuqwanmi, atiyniyuq Dioswanmi, wiñaypaq taytawanmi hinaspa hawkayayta apamuq kamachiqwanmi”, nispa (Isaias 9:6).

 Jesusqa Diospa gobiernonpi kamachiqmi (Mateo 6:10). Payqa atiyniyuqmi, yachayniyuqmi. Munantaqmi allpa pachata hinaspa chaypi kaqkunata cuidaytapas (Salmos 72:12, 16). Pay kamachispanqa ‘kay pacha qanrachaqkunatam chinkachinqa’ hinaspam kay allpa pachanchikta allichanqa (Apocalipsis 11:18; Isaias 35:1, 7).

 Kay allpa pachanchikpi tiempo allinyananmanta astawan yachayta munaspaykiqa qaway “¿Qué dice la Biblia sobre el cambio climático y nuestro futuro?” niq yachachikuyta.