Achka nacionkunapim politicaqa runakunata rakinachichkan. 19 nacionpi tapusqa runakunam 2022 watapi yaqa llapallanku nirqaku nacionninkupi politicaman sayapakuq runakuna mana acuerdopi kasqankuta (centro de investigación Pew Research Center).

 ¿Chaynachu yachasqayki nacionpipas politicawan runakuna rakinasqa kachkanku? ¿Imanasqataq chaykuna pasan? ¿Yaqachu haykapipas hawka kawsakuy kanqa? Kaypi yachaykusun chaykunamanta bibliapa ima nisqanta.

 Bibliam willakurqaña kay “tukupay punchawkunapiqa” runakuna imayna kasqankurayku mana huk sunqulla kanankumanta.

•   2 Timoteo 3:1-3 nisqanpim nirqaña: “Tukupay punchawkunapiqa mana haykapipas qawasqanchik sasallaña punchawkunam kanqa. Runakunam kanqaku kikillankupi piensaqkuna […], acuerdoman mana yaykuqkuna”, nispa.

 Gobiernokuna allin kananpaq runankuna tukuyta ruwaptinkupas manam allintaqa kamachinkuchu. Wakinkum ninku mana chaynallata piensasqankurayku ima sasachakuytapas huk sunqulla allichayta mana atisqankuta. Runakuna chayna kanankumantam bibliaqa nirqaña.

•   Eclesiastes 8:9 nisqanpim nin: ‘Runaqa runamasinta munaychakuspanmi ñakarichin’, nispa.

 Chaywanpas, bibliam willawanchik huk gobiernomanta. Chay gobiernom runakunata ñakarichiq tukuy mana allinkunata chinkachinqa.

 Bibliam willawanchik allin kamachiqmanta, chay kamachiqqa tukuy mana allinkunatam allichanqa. Payqa Jesucristom. Jesusqa enteron pachapi runakuna hawka hinaspa huk sunqulla kawsakunankutam munan, chayta ruwananpaqmi Jehova Dios atiyta qurqa.

•   Salmos 72:7 nisqanpim nin: “Pay kamachiptinqa allin ruwaqkunam waytarinqa. Hawka kawsakuymi kanqa”, nispa.

•   Salmos 72:11 nisqanpipas kaynatam nin: “Llapallan llaqtakunam payta kasukunqaku”, nispa.

 Jesusqa runakunamanta preocupakusqanraykum hinaspa yanapayta munasqanraykum allin kamachiq kanqa. Astawanraqmi yanapanqa runakunapa waqachisqan kaqkunataqa.

•   Salmos 72:12-14 nisqanpim nin: “Payqa yanapaykunanpaq qayakuq wakchatam yanapaykunqa. Yanapaykunqataqmi mana hatuntukuqtapas, yanapaykunqataqmi mana piyniyuqtapas. Mana piyniyuqkunatawan wakchakunatam yanapaykunqa. Wakchakunatam wañuymanta harkaykunqa. Sasachakuymantawan ñakariymantam paykunataqa libraykunqa”, nispa.

 Kaypi astawan yachaykuy Diospa gobiernonmanta, chay gobierno imayna yanapasunaykimanta hinaspa chay gobiernopa runan kanaykipaq imakuna ruwanaykimanta.

•   Qaway ¿Imataq Diospa munaychakuyninqa? sutiyuq videota.

•   Leey “El Reino de Dios: un gobierno sin corrupción” niq yachachikuyta.