Haiti nacionpiqa runa wañuchiqkunam llumpayta mirarunku. Sudafrica lawpipas, Mexico nacionpipas hinaspa Latinoamerica lawpipas astawanmi mirachkan. Huklaw nacionkunapi llumpay wañuchinakuy manaña kaptinpas runamasinchikunaqa mancharisqam kachkanku wasinkuman suwa yaykurunankumanta.

 ¿Bibliapiqa imatam nin enteron pachapi mana allin ruwaqkuna mirasqanmanta?

 Bibliapiqa nirqañam wañuchinakuy hinaspa mana allinllaña ruwaq runakuna kananmanta. Chayna runakunam kanan karqa ‘tukupay tiempopi’ (Mateo 24:3). Jesucristom nirqa tukupay tiempopi imakuna kananmanta:

•   Mateo 24:12 nin: “Tukuy mana allinkuna yapakusqanraykum yaqa llapallan runakuna manaña kuyakuq kanqaku”, nispa.

 Chaymantapas bibliapiqa ninmi: “Runakunam kanqaku mana controlakuqkuna, animal hina piña runakuna, allin kaqkuna ruwayta mana munaqkuna”, nispa (2 Timoteo 3:1-5). Chayna runakunapa chawpinpi kawsasqanchikraykum ñakarinchik.

 Ichaqa manam chaynapiñachu kawsasun, bibliapiqa ninmi wañuchinakuy hinaspa mana allinllaña ruwaqkunaqa manaña kanankumanta.

•   Salmo 37:10, 11 ninmi: “Ñam chayaykamuchkanña mana allin ruwaqkunapa chinkachisqa kayninkuqa. Maskaspapas paykunataqa manañam tarinkichu. LLampu sunquyuqkunam ichaqa kay pachapi yachanqaku. Paykunaqa kusikuywanmi hawkayaypi kawsakunqaku”, nispa.

 Chaynaqa, ¿Imaynataq hamuq tiempopi kawsakusun? ¿Kunan tiempopi imakunapas pasakusqanqa bibliapa nisqanman hinachu kachkan? Chaykunamanta yachanaykipaq leeykuy qatiqnin yachachikuykunata:

 Hamuq tiempopiqa kusisqañam kawsakusun

 ¿Cuál es la señal de “los últimos días” o “los tiempos finales”?

 ¿Predijo la Biblia cómo sería la gente en nuestros días?