Kunanqa enteron pachapim yaqa 70 millon runakuna mana uyariy atiq kachkanku, makillankuwanmi señasta ruwaspa rimanakunku. Enteron pachapiqa 200 masnin señas idiomakunam kan. Ichaqa mana uyariy atiq runamasinchikkunatam wakin runakunaqa usuchinku, burlakunku, chaytam nin kay willakuykuna:

•   Huk organizacionmi nin: “Enteron allpa pachapim mana uyariy atiqkunapa derechonkuta mana respetankuchu”, nispa (Asociación Nacional de Sordos de Estados Unidos).

•   Huk organizacionpas ninmi: “Wakcha nacionkunapiqa chaypi yachaq wakchakunamantapas aswan wakcharaqmi kanku mana uyariy atiqkunaqa, chaymi mana leeytapas yachankuchu, chayraykum sasachakunku llamkayta tarinankupaqpas”, nispa (Federacion Mundial de Sordos).

 ¿Diosqa imaynataq tarikun mana uyariy atiqkunata qawamuspan? ¿Bibliapi imatapas ninchu paykunamanta? ¿Imatam Jehova Diospa testigonkuna ruwachkanku yanapanankupaq?

¿Diosqa imatam piensan mana uyariy atiqkunamanta?

 Bibliapim nin Jehova a Dios paykunamanta preocupakusqanta. Payqa munanmi yachachisqanwan paykunapas yanapachikunankuta. Chaymantapas, Diosqa manam munanchu mana uyariy atiqkunata mana kaqpaqpas hapinanchiktaqa.

 Bibliapim nin: “Mana uyariq runamasikichiktaqa amam ñakankichikchu”, nispa (Levitico 19:14).

 Bibliapim nin: “Diosqa manam pimanpas sayapakunchu”, nispa (Hechos 10:34).

 Bibliapim nin: “Jesusqa llapallan llaqtakunapi hinaspa llaqtachakunapim purirqa [...] Diospa gobiernonmanta sumaq willakuyta willakustin”, nispa (Mateo 9:35).

 Bibliapim nin: Jesusqa ‘mana uyariqkunatam uyarichirqa, mana rimaqkunatapas rimachirqam’ (Marcos 7:37).

 Bibliapim nin: “Mana uyariqkunam uyarikunqa”, nispa (Isaias 35:5).

 Imatam kay textowan entiendechwan: Jehova Diosmi nin hamuq tiempopi mana uyariqkuna uyarinankumanta (Isaias 29:18).

¿Imatam Jehova Diospa testigonkuna ruwachkanku mana uyariy atiq runakunata yanapanankupaq?

 Enteron allpa pachapim Jehova Diospa testigonkunaqa mana uyariy atiqkunaman willachkaniku hamuq tiempopiqa uyariyta atinankumantaña Diospa nisqanta. Chaypaqmi bibliatapas hinaspa bibliamanta rimaq videokunatapas 100 masnin señas idiomakunapi ruwachkaniku. Chaymantapas, bibliamantam señaspi gratislla yachachiniku, huñunakuykunatapas señaspim gratislla ruwaniku, chaykunatam ruwaniku Diosmanta yachayta munaq mana uyariy atiq runamasinchikkunata yanapanaykupaq. ¿Imanasqataq gratisllaqa? Señorninchik Jesucristo kaynata kamachikusqanraykum: “Mana imallapaqmi chaskirqankichik, mana imallapaqtaqyá qumuychikpas”, nispa (Mateo 10:8).

 ¿Maypitaq chaykunata tariwaq? Kay iskay hawaqpim:

 Internetpi jw.org nisqanman yaykuspa hanay patachanpi “Idioma” cuadrochata ñitiykuy hinaspa akllay ima señas rimaypi yachachikuykuna munasqaykita.

 Utaq aplicacion JW Library Sign Language niqta celularnikipi churachikuy hinaspa chaypi qaway mayqin videokunatapas señas rimaypi.

¿Imakunawantaq mana uyariy atiq runamasinchikkunata bibliamanta yachachiniku?

 Señas idiomapi biblia. Enteron bibliatam Traduccion del Nuevo Mundo lenguaje de señas americano nisqanpi ruwarunikuña. Traducción del Nuevo Mundo bibliaqa enteron utaq partellan kaspapas achka señas idiomakunapim kachkanña, hinaspapas sapa watam achka idiomakunapi traducichkanku. (Ima idiomakunapi kasqanta yachayta munaspaykiqa utaq internetllapi bibliata señaspi qawayta munaspaykiqa, qaway “ Traducción del Nuevo Mundo biblia señas rimaypi”, nisqan recuadrota).

•   Bibliata señas idiomapi imayna ruwasqankuta yachayta munaspaykiqa, qaway La Traducción del Nuevo Mundo completa en lenguaje de señas americano ya está disponible sutiyuq videota.

•   Biblia leesqaykita astawan entiendenaykipaq descargay aplicacion JW Library Sign Language nisqanta. Kaywanqa chayllam tarinki gustasusqayki ima textotapas.

•   Dmytro hinaspa Vita sutiyuqqa mana uyariy atiqmi kanku, warmankunam ichaqa rimaytapas hinaspa uyariytapas atinku. Paykunaqa bibliatam sapa punchaw señaspi qawanku, chay ruwasqanku imayna yanapasqanta qawaykusun.

 Bibliata allinta entiendenapaq videokuna. Jehova Diospa testigonkunaqa runakuna bibliamanta allinta entiendenankupaq hinaspa consejonkunata kasukunankupaqmi señaspi videokunata ruwaniku. ¿Pikunapaqmi bibliapi consejokunaqa?

•   Ayllukunapaq

•   Warmakunapaq, musu-sipaskunapaq

•   Warmachakunapaq

 Sapakamamanmi bibliamanta yachachiniku. Yachachisuqnikiwanmi bibliamanta yachanki atisqaykiman hinalla señas idiomaykipi, mana qullqillapaqmi yachachinikuqa. Yachayta munaspaykiqa willaykamuwayku bibliamanta imayna yachachisqaykuta qawanaykipaq.

 Jeson Senajononqa Filipinas nacionmantam, paytaqa testigokunawan bibliamanta yachasqanmi yanaparqa Dioswan amistad kananpaq. Paymanta kaypi qawaykuy.

 Mario Antúnezqa pastor evangelicom karqa Honduras nacionpi. Pastor kaspanpas manam bibliamanta allintaqa yachaqchu, ¿imam paytaqa yanaparqa? Leey vidanmanta “Tenía muchas preguntas y pocas respuestas” niqpi.

 Huñunakuykunawan hatun huñunakuykuna. Testigokunaqa enteron pachapim huñunakuniku huñunakuna wasikunapi, chay huñunakuykunaqa señas rimaypipas kanmi. Chaymanmi mana uyariy atiqkuna rinku sapa semana Diosta yupaychanankupaq hinaspa paymanta yachanankupaq. Sapa watataqmi kan hatun huñunakuykuna utaq asambleakuna bibliamanta astawan yachachinaykupaq. Mana uyariy atiq nitaq rikukuq runakunatapas makinkupim señaschanku paykunapas yachachikuykunata entiendenankupaq. Kantaqmi makillankuwan leenankupaq bibliamanta yachanapaq qillqakuna.

•   Yachasqayki lawpi maypi huñunakusqaykuta maskay.

•   Hatun huñunakuykuna haykapi kananmanta yachaykuy.

•   Jesuspa wañukusqanta yuyarinapaq huñunakuyman riy, chay huñunakuyqa watapim huk kutillata ruwakun.

 Jose Luis Ayalaqa Mexico nacionpim yachan, paymi nacerqa mana uyariq, chaymantapas ñawsayarurqam. Qawaykuy hukkunapa yanapasqanwan bibliamanta allin yachachiq imayna rikurirusqanmanta.