Runakunaqa tiempopa risqanman hinam hukmanña rikurirunku: unquqkunapas piñallañam doctorta rimapayan, restauranteman mikuq rispankupas millay rimaykunatam rimanku, avionwan carrowan rispankupas tupaykusqaqa piñallañam kanku, warmakunapas tayta mamantaqa, profesornintaqa manam kasunkuchu, politico kaq runakunapas millayllañam kanku.

 Bibliapiqa ninmi imayna runa kananchikmanta, nintaqmi imanasqa runakunaqa manaña respetoyuq kasqankumanta

 Enteron pachapim runakunaqa tiempopa risqanman hina manaña respetoyuq kachkanku. Manañam rimakuykuytapas yachankuchu, nitaqmi gracias niytapas yachankuchu.

•   Yaqa 22 wata ñawpataqqa Estados unidospi runakunaqa respetoyuqsi kasqaku, kunan tiempopim ichaqa manaña chaynañachu. Chaynatam nirqaku chayta qawaq runakuna.

•   28 nacionkunapim, 32.000 runakunata tapurqaku. Paykunam nirqaku: “Kunan tiempo runakunaqa manaña respetoyuqmi rikurirunku”, nispa.

 Bibliapim nirqaña tukupay punchawkunapi runakunaqa mana allinllaña kanankumanta.

•   ‘Kaytapas yachaytaqyá tukupay punchawkunapiqa sasallaña tiempokunam hamunqa. Runakunam kanqaku kikillanpaq munaqkuna, qullqilla kuyaqkuna, hatun tukuqkuna, [...] mama-taytanku mana kasukuqkuna, mana riqsikuqkuna, huchallapi purikuqkuna, mana kuyakuqkuna, mana pampachakuy munaqkuna, runakunapa contranpi rimaqkuna, mana controlakuqkuna, mana llakipayakuqkuna, allin kaqta chiqnikuqkuna’ (2 Timoteo 3:1-3, Chuya qellqa, 2012).

 Kaymanta astawan yachayta munaspaykiqa maskay “¿Predijo la Biblia cómo sería la gente en nuestros días?” niq yachachikuyta.

 Enteron pachapim runakunaqa mana allinllataña ruwachkanku, chaywanpas wakin runakunaqa Bibliapi yanapakuykunawanmi respetoyuq kanku . Bibliapi nisqanman hinapas “imapas nisqankunaqa mana iskayrayanapaqmi kunanmanta wiña-wiñaykama” (Salmos 111:8). Imakunapitaq yanapawachwan:

•   Ima nintaq bibliapi: “Chaynaqa, imaynam qamkunapas munankichik runamasikichik qamkunapaq imapas ruwananta, chaynatayá qamkunapas paykunapaq ruwaychik” (Mateo 7:12).

   Ima ninantaq: Imaynam munankichik runamasinchikkuna ñuqanchikpaq imapas ruwanankuta, chaynatam ñuqanchikpas paykunapaq ruwananchik kuyakuywan, respetowan.

•   Ima nintaq Bibliapi: “Qamkunaqa ñam llullakuyta saqirunkichikña, chaynaqa sapakamayá amaña llullakuspa imam kaqta runamasikichikwan rimaychik.” (Efesios 4:25).

   Ima ninantaq: Mana llullakuspam tukuy imatapas rimananchik.

 Kaymanta astawan yachanaykipaqqa leey :

•   Willakuq qillqapi “Imaynatam yachachwan imam allin kasqanmanta” niqta.

•   Yachachikuykuna “¿Biblia yanapawanchikmanchu entiendeq kananchikpaq?.”