2022 watapim mayo killapa 19 punchawninpi Consejo de Seguridad de las Naciones Unidas nisqapa huñunakuyninpi karqaku 75 masnin autoridadkuna. Paykunam nirqaku: “Coronavirus unquy kasqanrayku, mana chirinanpi llumpay chiri kasqanrayku hinaspa mana ruwananpi llumpay rupay kasqanrayku enteron allpapi mikuy pisisqanmi astawanraq yapakurun Ucrania nacionpi guerra kasqanrayku”, nispa. Chay nisqankumanta qipallamanmi The Economist nisqa qillqapipas nirqa muchuy kachkaptinpas guerra kasqanrayku enteron allpa pachapi astawanraq yarqay kananmanta. Bibliapiqa ñam nirqaña kay tiempopi mikuykuna pisinanmanta. Chaywanpas chay sasachakuykunata imayna atipanapaqmi niwanchik.

•    Jesusmi nirqaña: “Huk nacionmi peleanqa huklaw nacionwan chaynataq huk gobiernopas huklaw gobiernowan, kaypi-chaypim kanqa muchuypas”, nispa (Mateo 24:7).

•    Apocalipsis libropim willawanchik tawa caballopi sillakuqkuna kallpasqankumanta. Huknin sillakuqmi tupan guerrawan, qatiqninñataqmi tupan muchuywan. Hina chay libropim nirqaña kunan tiemponchikpi mikuykuna mana haypay atina kananmanta. Kaynatam nirqa: “Hinaptinmi qawarispay rikururqani huk yana caballota, sillakuqninmi hapichkasqa huk balanzata. Chaymi tawa animalkunapa chawpinmanta qayakamurqa: ‘Huk kilo trigom jornalpa chanin qullqipaq. Kimsa kilo cebadam jornalpa chanin qullqipaq’”, nispa (Apocalipsis 6:5, 6, Chuya Qellqa).

 Chayna nisqankunaqa kunanmi cumplikuchkan bibliapa nisqanman hina ‘tukupay punchawkunaña’ kasqanrayku (2 Timoteo 3:1) Tukupay punchawkunamanta hinaspa tawa caballopi sillakuqkuna kallpasqanmanta astawan yachayta munaspaykiqa qaway 1914 watamantam tukuy ima mana allinllaña kachkan sutiyuq videota, leeytaq “¿Imakunawantaq tupan tawa caballopi sillakuqkunaqa?” niq yachachikuytapas.

•    Bibliapim allin consejokunata tarinchik tukuy imakunapa precionpas llumpayta suberuptin hinaspa muchuykuna kaptin imata ruwanapaq. Chaypaq leeykuy “Imakunatam ruwachwan qullqinchik pisiptin” niq yachachikuyta.

•    Bibliaqa niwanchiktaqmi tukuy mana allinkuna allinyananmanta. Niwanchikmi ‘kay allpa pachapi kawsaykuna achkallaña qispiptin’ manaña pipas yarqaymanta kananmanta (Salmos 72:16). Chaymanta astawan yachanaykipaq hinaspa Diospa prometewasqanchikkunamanta mana iskayrayanaykipaq leeykuy “Hamuq tiempopiqa kusisqañam kawsakusun” niq yachachikuyta.