2022 watapi 20 de noviembremanta 18 de diciembrekama Copa Mundial de la FIFA nisqanpi campeonatotaqa enteron pachapi yaqa llapallan runakunachá qawachkanku. Achka runakunam ninku chayna campeonatokunata ruwasqankuqa runakuna huk sunqulla kanankupaq yanapasqanmanta.

•   Sudafrica lawpi ñawpaq watakunapi kamachiq Nelson Mandela sutiyuq runam nirqa: “Campeonatokunaqa imamantapas astawanmi runakunata yanapan kusisqa hinaspa huk sunqulla kanankupaq”, nispa.

•   FIFA nisqankupi Gianni Infantino dirigentepas kaynatam nirqa: “Futbolqa runakunatam yanapan maylawmantaña kaspankupas kusisqa hinaspa huk sunqulla kanankupaq”, nispa. a

 ¿Ciertotachu runakunaqa huklaw nacionkunawan chayna campeonatokunata ruwasqankuwan huk sunqulla kayta atinmanku? ¿Yaqachu haykapipas hawka hinaspa huk sunqulla kawsakusun?

 Kay watapaq huklaw nacionkunawan campeonatota ruwasqankupiqa runakunam tukuyta rimarqaku politicamanta, runakunapa derechonmanta, chiqninakuy kasqanmanta, apu runakuna wakcha runakunata ñakarichisqankumanta.

 Chayna kaptinpas, achkam piensanku chayna campeonatokunaqa runakuna maylawmanta kaspankupas distraekuspanku kusisqa huk sunqulla kanankupaq yanapasqanta. Ichaqa chayna kayninkuqa huk ratollam. Chaymantapas, campeonatokunata ruwasqankuqa runakunata chiqninachispanmi rakinachin. Bibliaqa nirqañam kay ‘tukupay punchawkunapi’ runakuna chayna kanankumanta (2 Timoteo 3:1-5).

 Bibliam niwanchik hamuq tiempopiqa runakuna huk sunqulla kawsakunankumanta. Chayqa kanqa hanaq pachamanta Diospa gobiernon kamachimuptinmi (Lucas 4:43; Mateo 6:10).

 Diospa gobiernonpi kamachiq Jesucristom enteron pachapi runakunata yanapanqa hawkalla hinaspa huk sunqulla kawsakunankupaq. Bibliapim nin:

•   “Allin ruwaqkunam waytarinqa. Hawka kawsakuymi kanqa”, nispa (Salmos 72:7).

•   “Payqa yanapaykunanpaq qayakuq wakchatam yanapaykunqa [...]. Sasachakuymantawan ñakariymantam paykunataqa libraykunqa”, nispa (Salmos 72:12, 14).

 Kunan tiempopipas Jesuspa yachachikuyninqa 239 nacionkunapim hinaspa llaqtachakunapim millonnintin runakunata yanapachkan mana chiqninakuspa huk sunqulla kawsakunankupaq. Chaymanta astawan yachanaykipaq qaway “¿Atichwanchu manaña chiqninakuspa kawsakuyta?” niq yachachikuykunata.