Naciones Unidas organizacionmi kayta willawanchik:

•   2023 watapi 7 al 23 de octubre punchawkamam, Gaza hinaspa Israel nacion guerrapi kasqankurayku 6.400 runamasinchikkunaña wañurunku, 15.200 runakunañataqmi herido kachkanku. Yaqa llapanmi kanku guerrapi mana chapukuq inocente runamasinchikkuna. Chaymantapas, guerra kasqanraykum wasinkuta saqispa wara-waranqantin runamasinchikkuna huklawman ripukunku.

•   2023 watapi 24 de septiembre killakamaqa Rusia nacionwan Ucrania nacion guerrapi kasqankuraykum Ucrania nacionpi 9.701 guerrapi mana chapukuq inocente runamasinchikkunaña wañurunku, 17.748 runakunañataqmi herido kachkanku.

 ¿Imaynatam bibliapi willakuykuna consuelan guerra kasqanrayku ñakariq runamasinchikkunata?

 Bibliapim niwanchik enteron pachapi guerrakunata Diosqa chinkachinanmanta (Salmos 46:9). Chaypaqqa kay allpa pachapi runapa lliw gobiernonta chinkachispam Diosña gobiernawasun, chaypaqmi churin Jesucristota churarun (Daniel 2:44). Hinaptinmi kay allpa pachapi runakunaqa hawkayaypiña kawsakusun.

 Señorninchik Jesucristo kay allpa pachanchikta gobiernaspan imakuna ruwananmantam kay textokuna willawanchik:

•   Salmos 72:12-14 nin: “Payqa yanapaykunanpaq qayakuq wakchatam yanapaykunqa. Yanapaykunqataqmi mana hatuntukuqtapas, yanapaykunqataqmi mana piyniyuqtapas. Mana piyniyuqkunatawan wakchakunatam yanapaykunqa. Wakchakunatam wañuymanta harkaykunqa. Sasachakuymantawan ñakariymantam paykunataqa libraykunqa”, nispa.

 Diosqa churin Jesucristowanmi kay allpa pachapi guerrakunata tukunqa, hinaptinmi manaña kanqachu ñakariypas nitaq qawaypas.

•   Apocalipsis 21:4 nisqanpipas ninmi: “Diosmi llapa runakunapa wiqinta pichanqa, manañam kanqachu wañuypas, llakikuypas, waqaypas nitaq nanaypas. Ñawpaq kaqkunaqa pasarunñam”, nispa.

 Pisi tiempollamantañam Diosña kay allpa pachanchikta gobiernayta qallaykunqa. ¿Imanasqam chaymanta mana iskayrayanchikchu? ‘Guerrakuna’ kananmanta bibliapi willakusqanraykum, chay nisqanman hinamriki kunan pasakuchkan (Mateo 24:6). Kaykuna pasakusqanwanmi hinaspa huk rikchaqkunapas pasakusqanwami yachanchik kay pachapi gobiernokunapa ‘tukupayninqa’ hichpallapiña kasqanta (2 Timoteo 3:1).