Runakunaqa munanmi kamachiqninchik autoridadkuna mana llullakuq mana suwakuq kanankuta. Chaymi kay 2023 watapi enteron pachapi runakunata tapurqaku autoridadkuna imayna runakuna kasqankumanta, hinaptinmi yaqa llapallan runakuna nirqaku autoridadkunaqa llullakuq hinaspa suwakuq kasqankuta. a

 Bibliapim ichaqa niwanchik Diospa churasqan kamachiqninchik mana chayna kasqanta. Diospa churasqan kamachiqninchikqa kanqa mana llullakuq mana suwakuqmi. Diospa akllasqan kamachiqninchikqa señorninchik Jesucristom (Isaias 9:7).

 Jesusqa sunqunmanta runakunata llakipayakuqmi karqa (Mateo 9:35, 36). Jesus kamachiwaptinchikqa llapallan runakunam manaña chiqninakuspa sumaq kawsakusunchik (Salmo 72:12-14).