Banco Mundial nisqapa presidentenmi 2022 watapa junio killanpi nirqa: “Enteron allpa pachapim qullqimanta sasachakuy kachkan. Tukuy imapa precionmi subirun, chaymi runakunapaqa imata rantinankupaqpas manaña qullqinku haypanchu”, nispa.

 Fondo Monetario Internacional nisqapi llamkaqkunapas ninkutaqmi gasolinapas, petroleopas, gaspas chaynataq tukuy ima mikuykunapas llumpayta subirusqanta. Chaymi wakin nacionkunapi mana achka qullqiyuq runakunaqa sasachakuchkanku.

 Bibliam willawanchik imanasqa chayna sasachakuykunapi tarikusqanchikmanta hinaspa imata ruwanamanta. Willawanchiktaqmi hamuq tiempopiqa kayna sasachakuykuna manaña kananmantapas.

•   Kay tiemponchiktam bibliapi nin ‘tukupay punchawkuna’ nispa (2 Timoteo 3:1).

•   Jesusmi nirqa kay tiempopiqa “manchakuypaq kaqkuna” kananmanta, chaymi runakunaqa mancharisqallaña kananku karqa (Lucas 21:11). Tukuy imapa precion llumpayta subiptinmi runakunaqa mancharisqallaña tarikunku familiankuta imayna mantienenankumanta mana yachaspanku.

•   Apocalipsis libropipas nirqañam kay tiempopi mikuykunapa precion llumpayta subinanmanta. Chaypim nin: ‘Qayakuqtam uyarirqani: “Huk kilo trigom huk punchaw llamkaypa pagon, kimsa kilo cebadapas huk punchaw llamkaypa pagonmi”’, niqta (Apocalipsis 6:6, qaway willakuyninta).

 Tukupay punchawkunamanta hinaspa Apocalipsis libropa nisqanmanta astawan yachanaykipaq qawaykuy 1914 watamantam tukuy ima mana allinllaña kachkan sutiyuq videota, leeytaq “¿Imakunawantaq tupan tawa caballopi sillakuqkunaqa?” niq yachachikuytapas.

•   Bibliapim nin: “Wasikunatam ruwanqaku, hinaspam chaypi yachanqaku. Uvas chakrayuqmi kanqaku, hinaspam rurunta mikunqaku. Wasikunataqa ruwanqaku manam hukkuna yachanankupaqchu”, nispa (Isaias 65:21, 22).

•   Bibliapim nin: “Kay allpa pachapim kawsaykuna achkallaña qispinqa. Urqukunapa puntankunapipas achkallañam kanqa”, nispa (Salmos 72:16).

•   Bibliapim nin: “Jehova Diosmi nin: ‘Ñakariqkunatawan wakchakunata qawarimuspaymi yanapaykusaq’”, nispa (Salmos 12:5). a

 Diosqa enteron allpa pachapim qullqimanta sasachakuyta tukuchinqa. Chaymanta yachanaykipaq leey “¿Es realista esperar un sistema económico justo?” niq yachachikuyta.

 Chaykamaqa bibliapa nisqanmi yanapasunkiman as qullqillawan kawsakunaykipaq (Proverbios 23:4, 5; Eclesiastes 7:12). Chaymanta astawan yachanaykipaq leey “Cuide su economía” hinaspa “Imakunatam ruwachwan qullqinchik pisiptin” niq yachachikuykunata.