1 Cronicas 22:1-19
22 Davidmi nirqa: “Kaypim Jehova Diospa wasin kanqa, kaypitaqmi kanqa altarpas. Kaypim Israel runakuna Diospaq animalkunata nakaspa kañanqaku”, nispa.+
2 Chaymantam Davidqa Israel allpapi kaq huklaw llaqtayuq runakunata huñurachirqa,+ hinaspam llamkachirqa rumi pakiypi, rumi llaqllaypi, rumi kuchuypi, chaynapi Diospa wasinta ruwachinanpaq.+
3 Davidqa huñurqataqmi achkallaña fierrokunatapas, chaynapi punkukunapaq clavotawan hapichinanpaq kaqkunata ruwachinanpaq. Huñurqataqmi achkallaña broncetapas, chay broncepa llasayninqa manam yachakurqachu.+
4 Huñururqataqmi cedro sachamanta+ achkallay-achka qirukunatapas*. Chay qirukunataqa Sidon+ hinaspa Tiro runakunam+ Davidman apamurqaku.
5 Davidqa nirqataqmi: “Churiy Salomonqa mana yachayniyuq warmallaraqmi.+ Jehova Diospa wasinqa kanan suma-sumaqmi,+ chaynapi llapallan nacionpi ancha riqsisqa kananpaq.+ Chayraykuyá tukuy imata paypaq alistapusaq”, nispa. Chaynata nispanmi Davidqa manaraq wañukuchkaspan tukuy imata huñurqa.
6 Chaymantam Davidqa churin Salomonta qayaykuspan kamachirqa Israelpa yupaychasqan Jehova Diospa wasinta ruwananpaq.
7 Davidmi churin Salomonta nirqa: “Ñuqam munarqani Jehova Diospa sutin hatunchasqa kananpaq wasi ruwapuyta.+
8 Ichaqa Jehova Diosmi niwarqa: ‘Peleaspaykim qamqa achka-achka runakunata wañuchirqanki. Chayraykum sutiy hatunchasqa kananpaq wasitaqa mana ruwapuwankimanchu.+
9 Churikim nacemunqa,+ payqa hawka kawsakuqmi kanqa. Muyuriqninpi chiqniqninkuna mana imanananpaqmi yanapasaq,+ chayraykum Salomon*+ sutin kanqa. Pay kawsanankamaqa Israel runakunam hawka kawsakunqaku.+
10 Churiki Salomonmi sutiy hatunchasqa kananpaq wasita ruwapuwanqa.+ Paymi churiy kanqa, ñuqañataqmi taytan kasaq.+ Israel nacionpi kamachikuynin wiñaypaq kananpaqmi yanapasaq’, nispa.+
11 Chaynaqa churilláy, Jehova Diosyá yanapasunki. Chaynapi Jehova Diospa nisqanman hina wasinta ruwapunaykipaq.+
12 Jehova Diosyá yanapasunki Israel runakunata kamachispayki yachayniyuq hinaspa allin tantiaq kanaykipaq,+ chaynapi Jehova Diospa kamachikuyninkunata kasukunaykipaq.+
13 Israel runakunaman Moiseswan Jehova Diospa qusqan yachachikuykunatawan kamachikuykunata kasukuspaykiqa+ allinmi kanki.+ Kallpanchakuspayá qarinchakuy. Amayá manchakuychu nitaq hukmanyaychu.+
14 Tukuyta ruwaspaymi Jehova Diospa wasinpaq huñuruni 3.420.000 kilo* qurita, 34.200.000 kilo* qullqita, broncetawan fierrota+ manaña pesay atinata. Huñurunitaqmi qirukunatapas, rumikunatapas,+ chaykunamanmi qampas yapanki.
15 Kachkantaqmi achkallaña rumi llaqllaqkunapas, wasi pirqaqkunapas,+ carpinterokunapas chaynataq tukuy ima ruway yachaqkunapas.+
16 Achka-achka quripa, qullqipa, broncepa hinaspa fierropa llasayninqa manam yachakunchu.+ Chaynaqa qallaykuyñayá, Jehova Diosmi yanapasunki”, nispa.+
17 Chaymantam Davidqa Israel nacionpi lliw autoridadkunata kamachirqa churin Salomonta yanapanankupaq. Paykunatam nirqa:
18 “¿Manachu Jehova Diosqa yanapasuchkankichik kay nacionpi hawka kawsakunaykichikpaq? Paymi kay nacionpi yachaqkunata* makiyman churaykun. Kay nacionqa Jehova Diospa hinaspa runankunapa makinpiñam kachkan.
19 Chaynaqa, Jehova Diostayá maskaychik tukuy sunquykichikwan hinaspa tukuy vidaykichikwan*,+ hinaspayá Jehova Diospa wasin pirqayta qallariychik.+ Chaynapi chayman Jehova Diospa baulninta* chaynataq paypaq sapaqchasqa serviciokunata apamunaykichikpaq,+ chay wasiqa ruwasqa kanqa Jehova Diospa sutin hatunchasqa kananpaqmi”, nispa.+
Willakuykuna
^ Utaq: “Kaspikunatapas”.
^ Hebreo rimaypiqa “hawkayay” niqmantam hamun.
^ Utaq: “1.000.000 talento”.
^ Utaq: “100.000 talento”. Qaway B14 kaq yachachikuyta.
^ Utaq: “Tiyaqkunata”.
^ Utaq: “Payllapaqña kawsakuspa”.
^ Hebreo rimaypiqa nichkan: “Dioswan pacto ruwasqanku baulta”, nispam.
