1 Cronicas 4:1-43
4 Judapa churinkunam karqa: Perez,+ Hezron,+ Carmi, Hur+ hinaspa Sobal.+
2 Sobalmi karqa Reayampa taytan. Reayamñataqmi karqa Jaatpa taytan. Jaatñataqmi karqa Aumaipawan Laatpa taytan. Paykunamantam miramurqa Zorat runakuna.+
3 Etam llaqtata rikurichiqpa churinkunam karqa:+ Jezreel, Isma hinaspa Idbas. Paykunapa paninmi karqa Azelelponi.
4 Penuelmi karqa Guedorpa taytan, Ezerñataqmi karqa Husapa taytan. Paykunam karqa Hurpa+ churinkuna. Hurqa karqa Efratapa piwi* wawanmi hinaspa Belenpa taytanmi.+
5 Tekoapa+ taytan Asjurpam+ karqa iskay warminkuna. Paykunam karqa Elawan Naara.
6 Naarapa wawankunam karqa: Auzam, Hefer, Temeni hinaspa Haastari. Paykunam karqa Naarapa wawankuna.
7 Elapa wawankunam karqa: Zeret, Izar hinaspa Etnan.
8 Kozmi karqa Anubpawan Zobebapa taytan. Kozqa karqa Aarelpa mirayninkunapa ñawpaq taytanmi. Aarelpa taytanmi karqa Harum.
9 Jabezmi karqa wawqinkunamantapas aswan allin runa. Paymantam maman nirqa: “Llumpay nanaywanmi wachakurqani”, nispa. Chaymi suticharqa Jabezwan*.
10 Jabezmi Israelpa Diosninta mañakurqa: “¡Amalaya bendeciykullawankiman hinaspa allpallaytapas masyaykachillankiman! ¡Amalaya ñuqawan kallawaq hinaspa mana allinmanta harkaykullawankiman chaynapi mana imawanpas ñakarinaypaq!”, nispa. Chayna mañakusqanta uyariykuspanmi Diosqa yanaparqa.
11 Chuwapa wawqinmi karqa Kelub. Kelubñataqmi karqa Meirpa taytan. Meirñataqmi karqa Estonpa taytan.
12 Estonñataqmi karqa Bet-rafapa, Paseapa hinaspa Teinapa taytan. Teinañataqmi karqa Ir-nahaspa taytan. Paykunam karqaku Reca runakuna.
13 Kenazpa churinkunam karqa Otnielwan+ Seraya. Otnielpa churinñataqmi karqa Hatat.
14 Meonotaimi karqa Ofrapa taytan. Serayañataqmi karqa Joabpa taytan. Joabñataqmi karqa Gue-harasim llaqtapi yachaqkunapa* taytan. Gue-harasinwanqa* suticharqaku chaypi yachaqkuna llamkayninkupi hichu-hichu kasqankuraykum.
15 Jefuneypa churin Calebpa+ churinkunam karqa: Iru, Ela hinaspa Naam. Elapa churinñataqmi karqa Kenaz.
16 Jehalelelpa churinkunam karqa: Zif, Zifa, Tiria hinaspa Asarel.
17 Ezrapa churinkunam karqa: Jeter, Mered, Efer hinaspa Jalon. Meredpa huknin warminpa wawankunam karqa: Miriam, Samai hinaspa Isba. Isbaqa karqa Estemoapa taytanmi.
18 Juda ayllumanta Meredpa warminmi wachakurqa Jeredta, Heberta hinaspa Jekutielta. Jeredqa karqa Guedorpa taytanmi. Heberñataqmi karqa Socopa taytan. Jekutielñataqmi karqa Zanoapa taytan. Paykunam karqa Egipto nacionta kamachiqpa* churin Bitiapa wawankuna. Meredmi casarakururqa Bitiawan.
19 Hodiaspa warminpa wawankunam karqa Garmit lawmanta Keila hinaspa Maacat lawmanta Estemoa. Hodiaspa warminqa karqa Naqampa paninmi.
20 Simonpa churinkunam karqa: Amnon, Rina, Ben-anan hinaspa Tilon. Isipa churinkunañataqmi karqa Zoetwan Ben-zoet.
21 Judapa churin Selapa+ churinkunam karqa Erwan Laada. Erqa karqa Lecapa taytanmi. Laadañataqmi karqa Maresapa taytan. Selapa miraynintaqmi karqa Asbeapa ayllunkunapas. Paykunam karqaku llañu qaytumanta tela awaqkuna.
22 Jokim, Cozeba law runakuna, Joas, Saraf. Paykunam casarakururqaku Moab warmikunawan. Karqataqmi Jasubi-lehempas. Kayqa ñawpaqta qillqasqankuraqmi.
23 Paykunamanta wakinmi karqaku manka ruwaqkuna, paykunam yacharqaku Netaimwan Guedera llaqtapi. Chaypi yachaspankum kamachiqpaq llamkarqaku.
24 Simeonpa churinkunam karqa:+ Nemuel, Jamin, Jarib, Zera hinaspa Saul.+
25 Saulmi karqa Salumpa taytan. Salumñataqmi karqa Mibsampa taytan. Mibsamñataqmi karqa Mismapa taytan.
26 Mismapa churinmi karqa Hamuel. Hamuelpa churinñataqmi karqa Zacur. Zacurpa churinñataqmi karqa Simei.
27 Simeipa churinkunam karqa 16 qarikunawan suqta warmikuna. Simeipa wawqinkunapa qari churinkunam ichaqa mana achkachu karqa. Manam mayqin ayllunpas Juda runakuna hina achka churiyuqqa karqachu.+
28 Yachasqanku llaqtakunam karqa: Beer-seba,+ Molada,+ Hazar-sual,+
29 Bila, Ezem,+ Tolad,
30 Betuel,+ Horma,+ Ziclag,+
31 Bet-marcabot, Hazar-susim,+ Bet-biri hinaspa Saaraim. Chaykunam llaqtanku karqa Davidpa kamachisqan punchawkama.
32 Yachasqanku pichqa llaqtakunam karqa: Etam, Ain, Rimon, Token hinaspa Asan.+
33 Yacharqakutaqmi chay llaqtakunapa muyuriqninpipas Baal llaqtakama. Chaykunam karqa ayllunkupa listasqa sutinkuwan yachasqanku llaqtakuna.
34 Simeonpa huk mirayninkunam karqa: Mesobab, Jamlec hinaspa Josa. Josaqa karqa Amasiaspa churinmi.
35 Miraynintaqmi karqa Joelwan Jehupas. Jehuqa karqa Josibiaspa churinmi, Josibiasñataqmi karqa Serayapa churin, Serayañataqmi karqa Asielpa churin.
36 Karqataqmi Elioenai, Jaacoba, Jesoaya, Asaya, Adiel, Jesimiel, Benaya
37 hinaspa Zizapas. Zizaqa karqa Sifipa churinmi. Sifiñataqmi karqa Alonpa churin. Alonñataqmi karqa Jedayapa churin, Jedayañataqmi karqa Simripa churin, Simriñataqmi karqa Semayapa churin.
38 Paykunam karqaku ayllunkupi kamachiqkuna. Ñawpaq abuelonkupa ayllunkunam mirarurqa.
39 Paykunam animalninkupaq pastota maskaspanku rirqaku Guedor llaqtapa hichpan wayquman. Chayqa karqa inti qispimunan lawpim.
40 Hinaspankum tarirurqaku sumaqllaña pastokunata, hatun pampakunata, hawka yachanankupaq allpata. Ñawpaqtaqa Campa mirayninkunam chaypiqa yacharqaku.+
41 Juda llaqtapi Ezequias+ kamachichkaptinmi chay listasqa runakunaqa riruspanku Can hinaspa Meunim runakunata llapallankuta wañurachirqaku, carpankutapas chinkarachirqakum. Hinaspankum paykunaña yacharqaku sumaqllaña pastokuna kasqanrayku.
42 Simeonpa mirayninkunamantam 500 runakuna ripukurqaku Seir urquman.+ Paykunapa kamachiqninkum karqa: Pelatias, Nearias, Refaya hinaspa Uziel. Paykunaqa karqaku Isipa churinkunam.
43 Paykunam Seir urquman ayqikuq Amalec runakunata+ wañurachispanku chaypi kunankama yachachkanku.
Willakuykuna
^ Utaq: “Punta naceq”.
^ “Jabez” sutiqa ichapas hebreo rimaypi “nanay” niq palabrawan tupan.
^ Utaq: “Tiyaqkunapa”.
^ “Ge-harasim” ninanqa: “Llaqllaspanku tukuy imata ruwaqkunapa yachanan wayqu”, ninanmi.
^ Utaq: “Faraonpa”.
