1 Juan 3:1-24
3 Dios taytanchikqa ancha-anchatam kuyawanchik,+ chaymi Diospa churinwan sutichasqa kanchik,+ churinkunamá kanchik. Chayraykum Diosta mana yupaychaq runakunaqa payta mana riqsisqankurayku+ mana riqsiwanchikchu.+
2 Kuyasqallaykuna, kunanqa Diospa churinñam kanchik,+ ichaqa manaraqmi willawanchikchu imayna kananchikmantaqa.+ Ichaqa yachanchikmi Dios riqsichikuptin payman rikchakuq kananchikta, ñuqanchikqa paytam rikusunpuni.
3 Pipas paypi hapipakuqqa huchankunamantam chuya kanan,+ chaynapi Dios hina chuya kananpaq.
4 Pipas huchapi puriqqa Diospa kamachikuyninkunatapas manam kasukunchu. Huchaqa Diospa kamachikuyninkunata mana kasukuymi.
5 Yachasqaykichikpi hinapas Jesusqa hamurqa huchanchikta pampachawananchikpaqmi,+ payqa mana huchayuqmi.
6 Pipas paywan huklla kaqqa manam huchapiqa purinchu,+ pipas huchapi puriqqa manam paytaqa rikurqachu nitaq riqsirqachu.
7 Kuyasqay churillaykuna, yanqañataq pipas pantachisunkichikman, Diospa munasqanman hina kawsakuq runaqa Jesus hina allin ruwaqmi.
8 Pipas huchapi puriqqa diablomantam hamun, diabloqa qallariymantapunim huchallikurqa.+ Chayraykum Diospa churinqa rikurimurqa diablopa ruwasqankunata chinkachinanpaq.+
9 Pipas Diospa churin kaspanqa manam huchapiqa purinchu+ Diospa chuya espiritun* paypi kasqanrayku, payqa manam huchapiqa purinmanchu Diospa churin kasqanrayku.+
10 Suti riqsiyllam Diospa churinkunaqa, suti riqsiyllataqmi diablopa churinkunapas. Pipas allinkunata mana ruwaqqa hinaspa runamasinta mana kuyaqqa manam Diospa churinchu.+
11 Qamkunaqa qallariymantapacham uyarirqankichik “llapallaykichikmi kuyanakunaykichik” niq willakuyta.+
12 Amayá Cain hinaqa kasunchu, payqa satanaspa* churin kaspanmi wawqinta mana llakipayaspan wañurachirqa.+ ¿Imanasqataq wañurachirqa? Paypa ruwasqankuna mana allin kasqanraykum,+ wawqin Abelpa ruwasqankunam ichaqa allin karqa.+
13 Wawqi-panillaykuna, Diosta mana yupaychaqkuna chiqnisuptikichikqa amayá hukmanyaychikchu.+
14 Ñuqanchikqa iñiqmasinchikkunata kuyasqanchikraykum+ wañusqa hina kasqanchikmanta kunanqa kawsachkanchikña.+ Pipas mana kuyakuqqa wañusqam kachkan.+
15 Pipas iñiqmasinta chiqniqqa runa wañuchiqmi.+ Qamkunaqa yachankichikmi runamasin wañuchiqqa mana wiñaypaq kawsananta.+
16 Ñuqanchikrayku Jesucristopa wañukusqanwanmi+ yachanchik imam kuyakuy kasqanta, chaynam ñuqanchikpas kamachisqa kachkanchik iñiqmasinchikkunarayku wañunanchikpaq.+
17 Imanpas kachkaptin mana imayuqta iñiqmasinta qawachkaspan pipas mana llakipayaykuqqa, ¿yaqachum Diosta kuyanman?+
18 Kuyasqay churillaykuna, ñuqanchikqa manam rimaspallachu utaq simillanchikwanchu kuyanakunanchik,+ aswanqa imatapas sunqumanta ruwaspam.+
19 Chayna kuyakuq kaspam yachasun chiqap kaqmanta kasqanchikta, hinaspam mana iskayrayasunchu Diosninchik kuyawasqanchikmanta,
20 sunqunchikpi huchayuqpaq hapikuspanchikpas yuyarinanchikmi ñuqanchikmanta aswan allintaqa Diosninchik sunqunchikta riqsisqanta, Diosqa lliwtamá yachan.+
21 Kuyasqallaykuna, sunqunchikpi mana huchayuqpaq hapikuspanchikqa Dioswanmi mana recelaspa rimachwan,+
22 imatapas mañakuptinchikqa payqa quwasunmi+ kamachikuyninkunata kasukusqanchikrayku chaynataq paypa munasqanta ruwasqanchikrayku.
23 Diosqa kamachiwanchik churin Jesucristopi+ iñinanchikpaqmi hinaspa kuyanakunanchikpaqmi,+ chayna kananchikpaqmi kamachiwarqanchik.
24 Chaymantapas kamachikuyninkunata kasukuq runaqa Dioswanmi huklla kachkan, Diospas paywantaqmi huklla kachkan.+ Quwasqanchik chuya espiritunwanmi yachanchik payqa ñuqanchikwan huklla kasqanta.+
Willakuykuna
^ Griego rimaypiqa nichkan: “Rurun”, nispam.
^ Griego rimaypiqa nichkan: “Mana allinpa”, nispam.
