1 Pedro 1:1-25
1 Jesucristopa apostolnin*+ ñuqa Pedrom qillqamuykichik: Ponto lawpi, Galacia lawpi, Capadocia+ lawpi, Asia lawpi hinaspa Bitinia lawpi forastero hina chiqisqa kaq akllasqakunaman.
2 Qamkunataqa tayta Diosmi akllasurqankichik ñawpaqmantaraq tantiasqanman hina,+ paymi atiyninwan chuyanchasurqankichik kasukunaykichikpaq+ hinaspa Jesucristopa yawarninwan mayllasqa kanaykichikpaq:+
Qamkunapaqyá astawan kachun taytanchik Diospa ancha kuyakuynin* chaynataq hawkayaynin.
3 Señorninchik Jesucristopa taytan Diosyá hatunchasqa kachun, paymi ancha llakipayakuyninman hina wañusqakunapa kasqanmanta Jesucristopa kawsarimusqanwan+ yanapawarqanchik imam chaskinanchikta mana iskayrayaspa suyananchikpaq,+ chayqa karqa musuqmanta nacechiwachkanchikmanpas hinam.+
4 Chaytaqa ruwarqa prometewasqanchik herenciata chaskinanchikpaqmi, chay herenciaqa mana tukuqmi, chuyay-chuyaymi hinaspapas wiña-wiñaypaqmi.+ Chay herenciaqa qamkunapaqmi hanaq pachapi kachkan.+
5 Qamkunaqa Diospi iñisqaykichikraykum atiyninwan amparasqa kachkankichik salvakunaykichikpaq, chay salvakusqaykichikqa tukupay tiempopim sutilla kanqa.
6 Chayraykum qamkunaqa ancha kusisqa kachkankichik pisi tiempolla achka sasachakuykunawan ñakarinaykichik kaptinpas.+
7 Chayna sasachakuykunata atipaptikichikqa Diospi allin iñiq+ runakuna kasqaykichikmi yachakunqa, hinaptinqa chayna kasqaykichikmi alabasqa, respetasqa hinaspa hatunchasqa kanqa Jesucristopa ruwayninkuna sutilla kaptin. Diospi allinta iñikuq kasqaykichikqa ninapi chulluchisqa tukuruqlla qurimantapas aswan valorniyuqmi kanqa.+
8 Jesucristotaqa mana rikuchkaspapas kuyankichikmi, kunan mana rikuchkaspapas paypiqa iñinkichikmi, hinaspam anchata kusikuchkankichik, chayna kusikuymantaqa manam ima niytapas atichwanchu, hinaspapas chay kusikuyqa admirakuypaqmi.
9 Chaynataqa kusikuchkankichik Diospi iñisqaykichikrayku salvakunaykichikmanta mana iskayrayaspaykichikmi.+
10 Diosmanta willakuqkunam* kay salvacionmanta allinta yachanankupaq kallpanchakurqaku, hinaspapas suma-sumaqtam qatiparqaku yachanankupaq, paykunaqa chaskinaykichikpaq Diospa ancha kuyakuynin* qamkunapaq kasqanmantam ñawpaqmantaraq willakurqaku.+
11 Diosqa ñawpaqmantaraqmi paymanta willakuq runakunaman atiyninwan willarqa Cristoqa+ ñakarinanmanta hinaspa hatunchasqa kananmanta. Chayraykum Diosmanta willakuqkunaqa astawan yachayta munarqaku Cristota+ ima pasananmanta hinaspa imay tiempopi chaykuna kananmanta.
12 Diosmi paykunaman willarqa willakusqanku mana paykunallapaq kasqanmanta, aswanqa qamkunapaq kasqanmanta. Paykunam qillqarqaku qamkunapa uyarisqaykichikmanta, chay uyarisqaykichiktaqa sumaq willakuymanta willakuqkunam kunan willasurqankichik hanaq pachamanta hamuq Diospa atiyninpa* yanapakuyninwan.+ Chaykunamantaqa angelkunapas allintam yachaykuyta munanku.
13 Chaynaqa, yuyaynikichikpiyá listolla kaychik imapas ruwaynikichikta ruwanaykichikpaq,+ chaymantapas tukuy tiempoyá qawan-qawanlla kaychik,+ chaynallataqyá ama iskayrayaspa suyaychik chaskinaykichikpaq kaq Diospa ancha kuyakuynintapas*, chaytaqa chaskinkichik Jesucristopa ruwayninkuna sutilla qawachisqa kaptinmi.
14 Kasukuq churikuna hinayá kawsaychikqa, amañayá ñawpaq tiempopi mana yachaspa imapas munasqaykichikman hinañachu.
15 Aswanqa imaynam qayasuqnikichik Diospas chuya, chaynayá qamkunapas tukuy kawsakuynikichikpi chuya kaychik.+
16 Qillqasqam kachkan: “Chuyam kanaykichik ñuqapas chuya kasqayrayku”, niq.+
17 Chaymantapas, sichum mañakunkichik mana sayapakuspa+ pitapas ruwayninman hina juzgaq hanaq pacha taytanchikta, hinaspaqa payta manchakuspayá+ kawsaychik forastero hina kawsanaykichikkama.
18 Qamkunaqa ñawpaq taytaykichikpa costumbrenkuna saqisusqaykichikmantam librasqa karqankichik, paykunapa imapas ruwasqankuqa yanqapaqmi karqa. Yachasqaykichikpi hinapas librasqaqa karqankichik+ manam tukuruqlla quriwanchu nitaq qullqiwanchu,
19 aswanqa Cristopa+ ancha valorniyuq yawarninwanmi,+ chayqa karqa sanoy-sanoymi hinaspa allinnin kaq malta carneropa yawarnin hinam.+
20 Diosmi Cristota akllarqa manaraq runakuna rikurimuchkaptin*,+ ichaqa tukupay tiempokunapim qamkunarayku Cristo rikurimurqa.+
21 Cristoraykum Diospi creenkichik,+ Diosmi wañuqkunapa kasqanmanta Cristota kawsarichimuspan+ hatuncharqa,+ chaynataqa ruwarqa Diospi iñinaykichikpaqmi hinaspa imapas suyasqaykichik Diosllapiña kananpaqmi.
22 Chiqap yachachikuyta kasukusqaykichikraykum qamkunaqa chuyanchasqa kachkankichik, chayraykum wawqi-panintin hinaña sunqumanta kuyanakuchkankichik.+ Chaynaqa sunqumantayá llapallaykichik anchata kuyanakuychik.+
23 Qamkunaqa musuqmanta nacechkaq+ hinam karqankichik, ichaqa manam ismuruqlla mugumantachu, aswanqa mana ismuq mugumantam*,+ qamkunaqa kawsaq hinaspa wiñaypaq kaq Diospa palabranwanmi nacechkaq hina karqankichik.+
24 “Runakunaqa qura hinallam kanku, kuyayllapaq kayninkupas purun wayta hinallam. Quraqa chakiruqllam, waytapas wichiruqllam.
25 Jehova* Diospa nisqankunam ichaqa wiña-wiñaypaq”.+ Chay nisqankunaqa qamkunaman willasusqaykichik sumaq willakuymi.+
Willakuykuna
^ Utaq: “Kachasqan runa”.
^ Kaypiqa rimachkan mana kuyana kachkaspa kuyasqa kaymantam. Qaway “mana kuyana kachkaspa kuyasqa kay” niqpa ima ninan kasqanta.
^ Utaq: “Profetakunam”. Qaway kay palabrapa ima ninan kasqanta.
^ Kaypiqa rimachkan mana kuyana kachkaspa kuyasqa kaymantam.
^ Kaypiqa rimachkan mana kuyana kachkaspa kuyasqa kaymantam.
^ Kaypiqa rimachkan Adanpawan Evapa churi-wawanku manaraq kasqan tiempomantam.
^ Kaypiqa rimachkan ruruq mugumantam.
^ Qaway A5 kaq yachachikuyta.
