2 Cronicas 3:1-17
3 Salomonmi Jehova Diospa wasin ruwachiyta qallaykurqa+ Moria sutiyuq muqupi,+ chayqa karqa Jerusalen llaqtapim. Chaypim taytan Davidman Jehova Dios rikuriykurqa.+ Chayraykum Davidqa Ornanmanta rantisqan ira pampata Diospa wasinpaq sapaqcharqa. Ornanqa+ karqa Jebus runam.
2 Salomonqa tawa wataña kamachichkaspanmi iskay kaq killapa iskay kaq punchawninpi wasi ruwachiyta qallaykurqa.
3 Salomonmi wasipa cimientonta ruwachirqa, chay wasipa largonmi karqa yaqa 27 metro*, anchonñataqmi karqa yaqa isqun metro*.+ Chayqa karqa ñawpaqpi* tupusqankuman hinam.
4 Karqataqmi corredorninpas, anchonqa karqa Diospa wasinpa hinam yaqa isqun metro*, sayayninpas karqa yaqa isqun metrom*, hinaspam ukunta quriwan llusichirqa.+
5 Hatun cuartopa pirqantam cipres tablakunawan churachirqa, hinaspam quriwan llusichirqa.+ Chaypa hawanpim palmerakunawan+ cadenakuna karqa.+
6 Wasipa pirqanmanqa churachirqataqmi llipipipiq rumikunatapas.+ Llusichisqan quriqa+ karqa Parvaim lawmanta apachimusqanmi.
7 Quriwantaqmi llusichirqa wasipa ukuntapas, qirunkunatapas, pirqankunatapas chaynataq punkunkunatapas,+ hinaspam querubin angelkunata pirqakunapi dibujachirqa.+
8 Chaymantam Chuyay-chuyay sutiyuq cuartota rakichirqa.+ Sapa waqtanmi karqa yaqa isqun metroyuqkama*. Chay cuartotam llusichirqa 20.520 kilo* quriwan.+
9 Clavokunata llusisqan qurim karqa medio kilo masnin*. Altuspi cuartokunatapas quriwanmi llusirachirqa.
10 Chuyay-chuyay sutiyuq cuartopiqa ruwachirqataqmi iskay querubin angelkunatapas, hinaspam quriwan llusichirqa.+
11 Chay iskaynin querubin angelkunapa+ kicharayaq rapranmi karqa yaqa isqun metro*, punta kaq angelpa pirqa lawman rapranmi karqa iskay metro masnin*, huknin angelman rapranpas iskay metro masninmi karqa.
12 Iskay kaq angelpa pirqa lawman rapranpas iskay metro masninmi* karqa, hina iskay metro masnintaqmi karqa huknin angelpa rapranpas.
13 Querubin angelkunapa kicharayaq rapranmi karqa yaqa isqun metro*, chay angelkunaqa sayanpam hatun cuarto lawman qawarqa.
14 Awachirqataqmi cuartokuna rakiq cortinatapas.+ Chayqa karqa azul llañu qaytumanta, morado qaytumanta, puka llañu qaytumanta hinaspa linaza llañu qaytumanta awasqam. Chay cortinapim querubin angelkunata bordachirqa.+
15 Wasipa punkunpim iskay pilarkuna+ sayarqa, chayqa karqa 15 metro parten* sayayniyuqmi. Puntanpi ruyruniqñataqmi karqa iskay metro masnin* sayayniyuq.+
16 Ruwachirqataqmi cadenakunatapas, chaytam ruyruniqpa muyuriqninpi warkuchirqa collarta hina. Ruwachirqataqmi 100 granadakunatapas, hinaspam cadenakunaman churachirqa.
17 Chaymantam pilarkunataqa wasipa* punkunpi sayachirqa. Huknintam sayachirqa alliq* lawpi, huknintañataqmi ichuq* lawpi. Alliq lawpi pilartam suticharqa Jakinwan*, ichuq lawpi pilartañataqmi Boazwan*.
Willakuykuna
^ Utaq: “60 kuchus”. Qaway B14 kaq yachachikuyta.
^ Utaq: “20 kuchus”.
^ Huk kuchusqa karqa 44 centimetro partenmi. Ichaqa wakinkum ninku “ñawpaqta” huk kuchusqa 51 centimetro masnin kasqanta. Qaway B14 kaq yachachikuyta.
^ Utaq: “20 kuchus”.
^ Utaq: “20 kuchus”. Wakin ñawpaq qillqakunapim nichkan “120” nispalla, wakin ñawpaq qillqakunapiñataqmi hinaspa huk bibliakunapiñataqmi nichkan “20 kuchus” nispa.
^ Utaq: “Chunka talento”. Qaway B14 kaq yachachikuyta.
^ Utaq: “20 kuchusniyuqkama”.
^ Utaq: “50 siclo”. Qaway B14 kaq yachachikuyta.
^ Utaq: “20 kuchus”.
^ Utaq: “Pichqa kuchus”.
^ Utaq: “Pichqa kuchusmi”.
^ Utaq: “20 kuchus”.
^ Utaq: “35 kuchus”.
^ Utaq: “Pichqa kuchus”.
^ Utaq: “Templopa”.
^ Utaq: “Paña”.
^ Utaq: “Lluqi”.
^ “Jakin” ninanqa: “Jehova Diosmi allinta takyachin”, ninanmi.
^ “Boaz” ninanqa yaqachusmi “kallpawan” ninan.
