2 Cronicas 5:1-14
5 Salomonqa Jehova Diospa wasin ruwaytam tukuchirqa.+ Chaymantam taytan Davidpa Diospaq tukuy ima sapaqchasqanta apamurqa,+ hinaspam qurita, qullqita chaynataq tukuy imata waqaycharqa Diospa kapuqninkuna waqaychana cuartokunapi.+
2 Chaymantam Salomonqa Israelpi punta apaqkunata huñurachirqa. Chay punta apaqkunam karqa sapa ayllupa kamachiqninkuna, wakinñataqmi sapa ayllumanta ancha riqsisqa runakuna. Paykunatam Jerusalenman huñurachirqa, chaynapi Jehova Diospa baulninta* Davidpa llaqtan sutiyuq llaqtamanta Diospa wasinman apanankupaq.+ Chay llaqtapa huknin sutinmi karqa Sion.+
3 Israelpi llapallan runakunam kamachiq Salomonwan huñunakurqaku qanchis kaq killapi. Chay killapim watan-watan huñunakuspa kusirikuqku*.+
4 Israelpi llapallan punta apaqkuna chayaruptinkum Leviy ayllukuna baulta huqarirqaku.+
5 Sacerdotekunawan Leviy ayllukunam Diospa baulninta, carpanta+ hinaspa carpanpi waqaychasqanku tukuy imata aparqaku.
6 Kamachiq Salomonpa qayachisqan Israel runakunam Diospa baulninpa ñawpaqninpi karqaku. Ovejakunatawan torokunata Diospaq nakasqankuqa+ mana yupay atinam achkallay-achka karqa.
7 Sacerdotekunam Jehova Diospa baulninta uku law cuartoman churarqaku querubin angelkunapa rapran ukuman. Chay cuartopa sutinmi karqa Chuyay-chuyay.+
8 Querubin angelkunapa rapranmi Diospa baulninpa hawanpi mastarisqa karqa, chaymi querubinkunaqa baulta hinaspa chay baulta apana kaspikunata llanturqa.+
9 Chay baulta apana kaspikunaqa hatunmi karqa, chaymi Chuya sutiyuq cuartomanta puntan rikukuq. Ichaqa manam hawamantaqa rikukuqchu. Chaypim kachkan kunankama.
10 Baulpa ukunpiqa iskay tabla rumikunallam karqa. Chay rumikunataqa Moisesmi Horeb lawpiraq+ churarqa Israel runakunawan Jehova Dios contratota* ruwaptin.+ Chayqa karqa Egipto nacionmanta lluqsimusqanku qipatam.+
11 Sacerdotekunam ima grupomantaña kaspankupas+ Diospaq sapaqchasqa karqaku.+ Paykuna Diospa wasinmanta lluqsiramuptinkum
12 takiq Leviy ayllukunaqa+ altarpa waqtanpi* sayarqaku. Paykunawantaqmi karqa yachachiqninku Asaf,+ Heman,+ Jedutun,+ churintinkama hinaspa wawqintinkama. Llapallankum linaza llañu qaytumanta pachayuqkama karqaku. Aparqakum platillokunata, arpakunata hinaspa cuerdayuq kaqkunata. Paykunawantaqmi karqa cornetillata tocaq 120 sacerdotekunapas.+
13 Cornetillata tocaqkunawan takiqkunam Jehova Diosta hatunchaspanku tukuy ima ruwasqanmanta agradecekurqaku. Jehova Diostam hatuncharqaku cornetillakunawan, platillokunawan hinaspa huk tocanakunawan. Hatuncharqakuqa: “Allin Dios kasqanraykuyá yupaychasun, payqa imaña kaptinpas wiñaypaq kuyakuqmi”, nispankum.+ Hinaptinmi puyu huntarurqa Jehova Diospa wasinman.+
14 Jehova Diospa kanchayninwan wasinman puyu huntarusqanraykum sacerdotekunaqa ruwayninkuta saqirurqaku.+
Willakuykuna
^ Hebreo rimaypiqa nichkan: “Dioswan pacto ruwasqanku baulta”, nispam.
^ Kayqa karqa ramada fiestapim.
^ Utaq: “Pactota”. Qaway kay palabrapa ima ninan kasqanta.
^ Utaq: “Intipa qispimunan lawpi”.
