Cantar de los Cantares 1:1-17
-
Suma-sumaq takimanta (1)
-
Sipaspa rimasqanmanta (2-7)
-
Jerusalenpi warmikunapa rimasqanmanta (8)
-
Kamachiqpa rimasqanmanta (9-11)
-
“Umaykipaqmi qurimanta alaqata ruwapusqaykiku” (11)
-
-
Sipaspa rimasqanmanta (12-14)
-
“Kuyasqay yanallayqa wayqachapi sachapa miski asnaq wiqin hinaraqmi” (13)
-
-
Yananpa rimasqanmanta (15)
-
“Kuyakusqay yanalláy, ¡mayna kuyayllapaqmi qamqa kanki!”
-
-
Sipaspa rimasqanmanta (16, 17)
-
“¡Mayna kuyayllapaqmi kanki kuyasqay yanalláy!” (16)
-
1 Salomonpa qillqasqan suma-sumaq taki.+
2 Sipasmi nin: “¡Amalaya simichaykiwan muchaykullawankiman!
Kuyakuynikiqa vinomantapas aswan allinmi.+
3 Miskillañam hinakusqayki aceitekikunapa asnarisqanqa.+
Sutikipas tallisqanku miskillaña asnariq aceite hinam.+
Chayraykum sipaskunapas kuyasunki.
4 Hakuyá chinkakusun, kallpayllayá* pusakuway.
¡Kamachiqmi wasinman pusaramuwan!
Kusisqallañayá kakusun, kuskanchikyá kusikusun.
Allinnin vinomantapas astawanqa kuyakuynikimantayá rimasun.
Chayraykum sipaskunaqa kuyasunki.
5 Yaw Jerusalenpi warmikuna, zambacham kallani, Quedarpi+ carpakuna hina yanacham kallani,Salomonpa carpankunapa qatan hina+ yanacham kallani, ichaqa zambacha kaspaypas kuyayllapaqmi kallani.
6 Zambacha kasqayraykuqa amayá qawarayawaychikchu,intimriki ñuqataqa ruparullawan.
Turiykunam ñuqapaq piñakuspankuuvas chakrankuta cuidanaypaq saqiruwarqaku,hinaptinmi kikiypa uvas chakrayñataq saqisqa karqa.
7 Tukuy sunquywan kuyakusqay,¿maymantaq ovejaykikunata* michiq qatinki?+
¿Maypitaq chawpi punchawta kachinki?
Niykuwayá, amayá llakisqa pachayuq warmi hinaqasukupasqaqa purillasaqchu michiqmasikikunapa ovejankuna ukupiqa”, nispa.
8 Jerusalen warmikunañataqmi nirqa: “Yaw, llapallan warmikunamanta kuyayllapaq sipas,maypi kasqanta mana yachaspaykiqa ovejakunapa yupintayá qatiy,cabraykikunatayá pusay michiqkunapa carpanpa kasqanman”, nispa.
9 Kamachiqñataqmi nirqa: “Yaw sunqu suwa. Qamqa kanki Egiptota kamachiqpa* carretankunata aysaq yegua hinam.+
10 Alaqakunawanmi* uyachaykipas kuyayllapaq kachkan.
Collarkunawanmi kunkachaykipas kuyayllapaq kachkan.
11 Umaykipaqmi qurimanta alaqata ruwapusqaykiku,qullqiwan sumaq adornasqatam ruwapusqaykiku”, nispa.
12 Sipasñataqmi nirqa: “Kamachiq ruyru mesanpi tiyanankamamkuyay-yanaypaq perfumey+ miskillataña asnarin.
13 Kuyasqay yanallayqa wayqachapi sachapa miski asnaq wiqin*+ hinaraqmi,payqa ñuñuykunapa chawpinpim tukuy tuta kanqa.
14 Kuyasqay yanallayqa miskillataña asnariq wayta* hinaraqmi,+payqa En-guedi+ law uvas ukupi wayta hinaraqmi”, nispa.
15 Yananmi* nin: “Kuyakusqay yanalláy, ¡mayna kuyayllapaqmi qamqa kanki!
¡Qam hina kuyayllapaqqa manam pipas kanchu! Ñawichaykikunapas urpichakunapa ñawichan hinaraqmi.+ ¡Mayna kuyayllapaqmi qamqa kanki!”, nispa.
16 Sipasñataqmi nin: “Qampas, ¡mayna kuyayllapaqmi kanki kuyasqay yanalláy! ¡Mayna munayllapaqñam qamqa kanki!+
Sumaqllaña qurakunam puñunanchikpas.
17 Cedro sachakunamantam wasinchikpa qirunkunapas*.
Cipres kallmakunamantam qatanpa chaqllankunapas”, nispa.
Willakuykuna
^ Utaq: “Raskiyllayá”.
^ Utaq: “Cabraykikunata”.
^ Utaq: “Faraonpa”.
^ Ichapas kanman: “Simpaykikunawanmi”, niqpas.
^ Utaq: “Mirra”.
^ Hebreo rimaypiqa nichkan: “Alheña wayta”, nispam.
^ Utaq: “Michiqmi”.
^ Utaq: “Kaspinkunapas”.
