Cantar de los Cantares 3:1-11
3 Sipasqa nirqataqmi:
“Puñunaypim tutankuna yanayta yuyariq kani*.+
Qawaykuytam munarqani, ichaqa manam atirqanichu.+
2 ¿Imatataq kunan ruwasaq?
Hatarispayá llaqtapi maskamusaq, callekunapiwan plazakunapiyá maskamusaq.
Ama hina kaspayá kachaykullawaychik kuyay-yanayta maskaramunaypaq.
Ichaqa maynataña maskaspaypas manam tarirqanichu.
3 Llaqtata cuidaq runakunañataqmi tariruwarqa, paykunaqa llaqtata cuidaspam purichkasqaku.+
Hinaptinmi paykunata tapukurqani:
‘¿Icha kuyay-yanallayta rikukullawaqchik karqa?’, nispay.
4 Hinaspaymi chaymanta qipallamankuyay-yanaytaqa tarirurqani.
Hapipakuruspaymi mana kachaykurqanichu,mamaypa wasinman pusanaykamam+ mana kachaykurqanichu,wachakuwasqan wasiman chayanaykamam mana kacharikurqanichu.
5 Yaw Jerusalen warmikuna, kuyayllapaq china luwichukunaraykuyáchaynataq china tarukakunaraykuyá juraykuwaychikmanaraq punchawpi nitaq sunquypas manaraq munachkaptin pitapas kuyanaypaq ama hikutawanaykichikpaq”, nispa.+
6 Sion muqupi yachaq* sipaskunam nin: “¿Imataq wakqa qusni hina chunniqpi kachkan?
¿Imataq wakqa miskillataña asnaristin* qispimuchkan?
¿Imataq wakqa hamuchkan tukuy rikchaq miski asnaqkunata rantikuq* runa hina?+
7 Salomonpa tiyanantam runakuna apamuchkasqa.
Kallpasapa 60 runakunapa chawpintam hamuchkasqa,allin peleaq Israel runakunapa+ chawpintam hamuchkasqa.
8 Paykunaqa allin peleaq runakunam kanku,espadayuqkamam kachkanku.
Tutan imamantapas harkanankupaqmiwiqawninkupi espadayuqkama kachkanku.
9 Kamachiq Salomonpa trononmi kasqa,Libano lawpi qirumanta*+ ruwasqankum kasqa.
10 Tiyananpa muyuriqninpi kaspikunapas qullqimantam kasqa,tiyananpa muyuriqninpas qurimantam kasqa.
Tiyananpas morado qaytuwan pachachisqam kasqa,kuyakuywan suma-sumaq allichasqallañam kasqa,Jerusalenpi kaq warmikunapa ruwasqanmi kasqa.
11 Sion muqupi yachaq sipaskuna,kamachiq Salomontayá qawariychik,umanpi waytamanta ruwasqa coronayuqtayá qawariychik,casarakuspa kusikusqan punchawpimamanpa+ ruwasqan alaqayuqtayá qawariychik”, nispa.
Willakuykuna
^ Utaq: “Maskaq kani”.
^ Utaq: “Tiyaq”.
^ Hebreo rimaypiqa nichkan: “Mirrawan olibano hina asnaristin”, nispam.
^ Utaq: “Vendeq”.
^ Utaq: “Kaspimanta”.
