Cantar de los Cantares 7:1-13
7 Kamachiqqa nirqataqmi: “Llampu sunqu warmicha,mayna kuyayllapaqmi usutaykipi chakichaykikunapas.
Kuyayllapaq tipi wiqaw warmicha, wiqawchaykiqa sumaq alaqa hinam,qamqa tukuy imata ruway yachaqpa ruwasqan hinam kanki.
2 Puputichaykipas mati hina ruyrum.
Sumaq tupachisqa vinoqa amayá haykapipas tukuchunchu.
Wiksachaykipas amanqay waytapa chawpinpimunturayaq trigo hinam.
3 Ñuñuchaykikunapas iskay uña luwichu hinam,parisnintin uña luwichu hinam.+
4 Kunkachaykipas+ marfilmanta torre hinam.+
Ñawichaykipas+ Hesbon lawpi+
Bat-rabim punkupi yaku hinam.
Sinqachaykipas Damascoman qawaqLibano lawpi torre hinam.
5 Umachaykipas Carmelo urqu+ hinam kuyayllapaq,chukchachaykipas*+ morado qaytu+ hinam kuyayllapaq.
Chukchachaykita wayrawan pukllasqanta qawaspaymi qanmanta wañuruchkaniña.
6 Yaw kuyaychallapaq sipas, ¡mayna kuyayllapaqmi kanki!
Sumaq sunquchayuqmi qamqa kanki. Qam hinaqa manam imapas kanchu.
7 Sayaynikipas palmera hinam,ñuñuykikunapas palmerapa warkurayaq rurunkuna hinam.+
8 Nirqanim: ‘Palmeramanmi lluqasaq*
sartay-sartay rurunta pallakuq’, nispa.
Ñuñuykikunaqa uvaspa rurun hinayá warkurayachun,samaynikipas manzanakuna hinayá miskillataña asnarichun,
9 simichaykipas allinnin vino hinam munayllapaqña”, nispa.
Sipasñataqmi nirqa: “Kuyay-yanaypa kunkantayá vinoqa llampullata uraykuchun,vinowan puñuruqkunapa siminta hinayá wiqirichun.
10 Ñuqaqa kani kuyasqay yanallaypaqmi,+payqa kuskaña kanaykutam munachkan.
11 Kuyasqay yanalláy,hamuspaykiyá purunpi purichimuway,miskillataña asnariq waytakunapa* kasqanpiyá tiyarikamusun.+
12 Tutapayta hatarispanchikyáuvaskunata qawaramusunchik ikllirunñachus* manachus,uvaskunapa sisan tuqyarunñachus manachus,+granadakuna sisarunñachus manachus.+
Chaypim kuyakusqayki.+
13 Mandragora qurapa+ rurunkunapas miskillatañam asnarin,punkunchikpipas tukuy rikchaq allinnin frutakunam kachkan.+
Kachkanmi chayllaraq pallasqa frutakunapas, chakisqa frutakunapas.
Kuyakusqay yanalláy, kaykunataqa qampaqmi churapurqayki”, nispa.
Willakuykuna
^ Utaq: “Huñusqa chukchachaykipas”.
^ Utaq: “Siqasaq”.
^ Hebreo rimaypiqa nichkan: “Alheña waytakunapa”, nispam.
^ Utaq: “Chikllirunñachus”.
