Eclesiastes 5:1-20
5 Diospa wasinman rispaykiqa imayna purisqaykitayá qawarikuy,+ mana yuyayniyuq runakuna hina Diosman animalta quymantaqa+ Diospa wasinman asuykuspa chaypi uyariymi aswan allinqa.+ Mana yuyayniyuqkunaqariki manam cuentata qukunkuchu ruwasqanku mana allin kasqantaqa.
2 Diospaq imatapas ruwayta munaspaqa amayá hawanpi-ukunpiqa rimaruychu nitaq sunqullaykipipas imatapas niruychu.+ Diosqariki hanaq pachapim kachkan, qanmi ichaqariki kay allpa pachapi kachkanki. Chaymi llumpaytaqa mana rimanaykichu.+
3 Pipas munasqallanta maskaspan llakisqa kaspanqa sueñokuyllapiñam*,+ chaynam mana yuyayniyuq runapas maynataña rimaspanpas mana pasaqkunallata riman.+
4 Imatapas ruwanaykipaq Diosta nispaykiqa chayllam cumplinayki,+ mana yuyayniyuq runakunataqa Diosqa manam allinpaqchu qawan.+ Imapas ruwanaykipaq nisqaykitaqa cumpliypuniyá.+
5 Imatapas ruwanaykipaq nispayki mana cumplinaykimantaqa aswan allinqa kanman imatapas ruwanaykipaq mana niynikim.+
6 Amayá rimaspaykiqa huchallikuychu,+ amataqyá yanqa kasqantaqa niychu angelpa qayllanpipas.+ ¿Imapaqtaq rimasqaykiwan Diosta piñachiwaq, chaynapi imapas ruwasqaykita chinkarachinanpaq?+
7 Imaynam pipas munasqallanta maskaspan llakisqa kaspanqa sueñokuyllapiña*,+ chaynam rimaysapallaña kaypas yanqa. Qamyá ichaqa Diosta manchakuy.+
8 Llaqtaykipi wakchakunata ñakarichisqankuta rikuspaykiqa, allin ruwayman hina mana kawsakuptinkuqa hinaspa allin kaqta mana ruwaptinkuqa amayá hukmanyaychu.+ Chay kamachiqtaqa aswan atiyniyuqmi qawachkan, paykunamantapas aswan atiyniyuq kamachiqkunaraqmi kachkan.
9 Chaymantapas paykunaqa allpapa rurusqantam rakinakunku, allpapa rurusqantam kamachiqmanpas qunku.+
10 Qullqillata kuyaruq runaqa astawanraqmi qullqitaqa munan, kapuqninkunata kuyaruq runaqa aswan kapuqniyuq kaytaraqmi munan.+ Chaypas yanqallam.+
11 Pipapas kapuqninkuna yapakuptinqa rantiqninkunapas achkayanmi.+ Chaykuna qawasqanmantaqa ¿imatataq dueñonqa chaskikunman?+
12 Llamkakuq runaqa* achkata utaq asllata mikuspanpas miskitam puñun, kapuqniyuq apu runam ichaqa puñuytapas manaña tarinchu.
13 Kay pachapim llumpay ñakariyta qawarqani. Quri-qullqita huñukuq runaqa kikillanmi ñakarin.
14 Payqa negocion mana allinpi tukurusqanraykum quri-qullqintaqa tukurun, churin naceruptinpas manam imallanpas kanchu.+
15 Runakuna nacespankuqa manam imatapas apamunkuchu, chaynallataqmi wañukuspankupas mana imatapas apankuchu.+ Anchata llamkaspapas manataqmi imatapas apanqakuchu.+
16 Kaypas llakikuypaqmi, runaqa nacespanqa manam imatapas apamurqachu, chaynataqmi wañukuspanpas mana imatapas apanqachu. Chaynaqa, ¿imatataq runaqa hurqukun wayrata qatikachachkaq hina anchata llamkaspanqa?+
17 Chaymantapas payqa sapa punchawmi tutayaypi mikun, llakillawanña, piñasqallaña hinaspa unqustin.+
18 Kaytam allinpaq qawarqani, runapaqqa allinqa kanman anchata llamkasqanmanta mikukuyninwan tomakuyninmi,+ chaymi paypaqa pagon hina. Chayta ruwanankupaqmi Diosqa kay pachapi pisi tiempolla kawsakuyta qurqa.+
19 Quri-qullqitawan kapuqninkunata pimanpas Dios quptinqa+ hinaspa chaykunawanpas kusirikunanpaq quptinqa, anchata llamkasqanwanmi kusirikunan. Chayqa pagon hinam, Diospa qusqanmi.+
20 Runata kusisqallata Dios kawsachiptinqa, payqa manam yuyaymananqachu pisi tiempollata kawsakusqanpiqa.+
Willakuykuna
^ Utaq: “Munasqanta ruwaypi umayuqllañam”.
^ Utaq: “Munasqanta ruwaypi umayuqllaña”.
^ Utaq: “Sirvienteqa”.
