Exodo 31:1-18
31 Chaymantapas Jehova Diosqa Moisestam nirqa:
2 “Juda ayllumantam Bezalelta+ akllaruni. Payqa Uriy sutiyuq runapa churinmi, hinaspapas Hurpa willkanmi.+
3 Ñuqam atiyta Bezalelman qusaq yachayniyuq hinaspa yuyayniyuq kaspa tukuy imata suma-sumaqta ruwananpaq,
4 dibujokunata ruwananpaq, imatapas qurimanta, qullqimanta chaynataq broncemanta suma-sumaqta ruwananpaq,
5 rumitapas llaqllaspa maymi kananpi churananpaq,+ hinaspapas kullumanta tukuy imata sumaqta ruwananpaq.+
6 Bezalelta yanapananpaqmi Dan ayllumanta Aisamacpa churin Oliabta+ akllaruni. Chaymantapas yachaywan ruwaqkunatam aswan yachayniyuq kanankupaq yanapasaq, chaynapim lliw kamachisqayta sumaqta ruwanqaku.+
7 Ruwanankum carpayta,+ baulniyta,+ baulniypa tapanta,+ carpaypi servichikuna kaqkunata,
8 mesayta+ hinaspa servicionkunata, qurimanta candelabrota hinaspa servicionkunata,+ incienso* kañana altarta,+
9 huknin altarta+ hinaspa servicionkunata hinaspa lavatoriota tiyanantinta.+
10 Chaymantapas ruwanankum suma-sumaq awasqa pachakunata sacerdote Aaronpaq hinaspa churinkunapaq,+
11 ruwanankutaqmi miski asnaq aceitetapas chaynataq miski asnaq inciensotapas.+ Kamachisqayman hinam chaykunataqa ruwananku”, nispa.
12 Jehova Diosqa nirqataqmi:
13 “Israelpa mirayninkunatayá niy: ‘Samana punchawpaq* kamachisqaytaqa kasukunaykichikmi,+ chay punchawtaqa ñuqa Jehova Diosmi sapaqcharqani qamkunapas hinaspa miraynikichikkunapas rimasqanchikman hina kasukunaykichikpaq.
14 Ñuqapaq sapaqchasqa kasqanraykum samana punchawpaq kamachisqaytaqa kasukunaykichik,+ mana kasukuqqa wañuchisqam kanqa. Pipas chay punchawpi llamkaqqa wañuchisqam kanqa.+
15 Suqta punchawmi llamkankichik, qanchis kaq punchawmi ichaqa ama llamkankichikchu samana punchaw kasqanrayku.+ Chay punchawqa ñuqa Jehova Diospaq sapaqchasqam. Pipas chay punchawpi llamkaqqa wañuchisqam kanqa.
16 Israelpa mirayninkunaqa kasukunankum samana punchawpaq kamachikuytaqa. Samana punchawtaqa qamkunapas hinaspa miraynikichikkunapas kasukunaykichikmi. Chayqa una-unaypaq contrato* ruwasqanchikmi.
17 Chaytaqa qamkunapas hinaspa churikichikpas rimasqanchikman hinam kasukunaykichik.+ Ñuqa Jehova Diosqa suqta punchawpim hanaq pachatapas hinaspa kay pachatapas unancharqani, qanchis kaq punchawpim ichaqa samarqani’”, nispa.+
18 Chaynata Sinai urqupi Moiseswan rimayta tukuruspanmi Diosqa qillqasqan iskay tabla rumita+ quykurqa, chay iskay tabla rumikunaqa Diospa atiyninwan qillqasqam karqa.+
Willakuykuna
^ Kayqa karqa miski asnaq kutacha hinam.
^ Utaq: “Sabadopaq”.
^ Utaq: “Pacto”. Qaway kay palabrapa ima ninan kasqanta.
