Ezequiel 19:1-14
-
Kamachiqkunapaq llaki takimanta (1-14)
19 Diosqa nirqataqmi: “Israel runakunapi kaq kamachiqkunamanta rimaq llaki takitayá takiy.
2 Takispayá niy:
‘¿Imataq mamayki karqa? Mamaykiqa leonkunapa kasqanpi kaq china leonmi karqa.
Malta leonkunapa chaynataq kallpasapa leonkunapa kasqanpim yacharqa, hinaspam wawankunatapas chaypi uywarqa.
3 Uywasqan huknin wawanmi wiñaruspankallpasapa malta leon rikurirurqa.+
Chay leonmi mikunanpaq animalkuna hapiyta yacharuspan runa mikuytapas yacharurqa.
4 Huklaw nacionniyuq runakunañataqmi paymanta uyarirurqaku, hinaspam uchkupi hapirurqaku,chaymantañataqmi hatun anzuelota usturachispa Egiptoman pusarqaku.+
5 Mamanqa kutimunantam suyarqa, ichaqa manañam rikurimurqachu.
Chaymi huknin wawantaña wiñarachirqa, hinaptinmi kallpasapa malta leon rikurirurqa.
6 Chay wawanqa leonkunapa kasqanpi purispanmi kallpasapa malta leon karqa.
Chay leonpas mikunanpaq animalkuna hapiyta yacharuspanmi runa mikuytapas yacharurqa.+
7 Chay leonqa chunniq llaqtakunapi chaynataq allin pirqankunapa kasqanpim muyukacharqa,chaymi ñawrawyasqanpas lliw chunniq lawkunapi uyarikurqa.+
8 Hinaptinmi hichpan nacionkunamanta runakuna hamurqa mallawan hapinankupaq,hinaspam uchkupi hapirurqaku.
9 Hatun anzuelowan usturachispam hatun jaulapi wichqarurqaku, hinaspam Babiloniapi kamachiqman aparqaku.
Chaypim wichqarurqaku Israel urqukunapi qaparisqan manaña uyarikunanpaq.
10 Mamaykichikqa yaku patanpi plantasqa uvas hinam*+ karqa.
Achka yakupa kasqanpi wiñasqanraykum kallmasapallaña kaspa achkata ruruq.
11 Chay uvas plantamantam mana pakiy atina kallmakunata hurqurqaku, chay kallmakunaqa kamachiqkunapa tawnanta ruwanankupaq hinaraqmi karqa.
Wiñaruspanqa wakin sachakunamantapas aswan hatunraqmi karqa.
Hatun kasqanrayku chaynataq kallmasapallaña kasqanraykum sutilla karqa.
12 Chaywanpas piñakuspam sapinmanta chutaruspanku+ pampaman wischuykurqaku,hinaptinmi intipa qispimunan lawmanta hamuq wayra rurunta chakirachirqa.
Mana chaylla pakikuq kallmankunata hurquruptinkum chakirurqa,+ hinaptinmi chay kallmakunaqa kañasqa karqa.+
13 Chay uvasqa chunniqpim kunanqa plantasqa kachkan,mana yakupa kanan chaki allpapim kachkan.+
14 Kallmankunata nina rupayta qallaykuptinmi ikllipankunawan* rurunkunapas ruparurqa.
Mana chaylla pakikuq kallmankunapas manañam karqachu, manañam kamachiqkunapa tawnan hinaqa karqachu.+
Kay takiqa llakikunapaq takim, llakipi kaspa takinankupaq takim’”, nispa.
Willakuykuna
^ Hebreo rimaypiqa nichkan: “Yawarnikipi uvas hinam”, nispam.
^ Utaq: “Chikllipankunawan”.
