Ezequiel 32:1-32
32 12 kaq watapim 12 killapa punta kaq punchawninpi Jehova Diosqa rimapayawaspan niwarqa:
2 “Runapa churin, Egipto kamachiqmanta* llaki takita takispayá niy:
‘Huklaw nacionkunapaqmi kallpasapa malta leon hina karqanki, ichaqa ñam chinkarunkiña.
Lamar quchapi manchakuypaq animal hinam qamqa karqanki,+mayuykipim quchpaq kanki, makikikunawan hinaspa chakikikunawan challpuqyaspammayuta putkayachispa qachachaq kanki’, nispa.
3 Llapallan kamachiq Jehova Diosmi nisunki:
‘Achka nacionkunawanmi challwa hapina mallaywan hapichisqayki,hinaspam chay mallapi pampanta aysachisqayki.
4 Chaki allpapim saqisqayki,purunmanmi wischusqayki.
Llapallan alton pawaqkunam hawaykipi tiyanqa,allpa pachapi lliw purun animalkunapas aychaykitam saksanankukama mikunqa.+
5 Aychaykitam urqukunaman wischusaq,tulluykikunawanñataqmi wayqukunata huntachisaq.+
6 Yawarnikipas achkallay-achka lluqsiptinmi allpatapas urqupa puntankama nuyuchisaq,chay yawarnikiwanmi mayukunapas achkayanqa.
7 Chinkaruptikiñataqmi cielota tapaykusaq,lucerokunatapas tutayachisaqmi.
Intitapas puyukunawanmi tapaykusaq, killapas wañunqam.+
8 Qampa huchaykipim cielopi llapallan kanchaqkunata tutayachisaq, allpaykitapas tutayaywanmi pampaykusaq.
Llapallan kamachiq ñuqa Jehova Diosmi chaynata nini.
9 Mana riqsisqayki llaqtakunaman runaykikunata presota hina apaptiymihuklaw llaqtayuq runakunapas hukmanyasqallaña kanqaku.+
10 Qamta wañuchinaypaq espadayta hurquykuptiymiachka nacionkunapi runakuna mancharikunqaku,kamachiqninkupas manchakuymantam katkatatanqaku.
Wañuptikim paykunapas wañuyta manchakuspanku katkatatanqaku’, nispa.
11 Llapallan kamachiq Jehova Diosmi nisunki:
‘Babiloniapi kamachiqmi wañuchisuqniki hamunqa.+
12 Mana llakipayakuq allin peleaq runakunam tropaykikunatapas wañuchinqa.+
Chaynapim Egiptopa hatuntukuq kayninqa tukunqa,tropankunapas pasaypaqmi chinkanqa.+
13 Mayu patanpi kaq animalninkunatapas wañuchisaqmi,+chaynapim runapas nitaq animalpas mayutaqa manaña putkachanqachu.+
14 Chay punchawqa mayunkunatam chuyayachisaq, hinaptinmi aceite hinaraq puririnqa.
Chaynatam llapallan kamachiq ñuqa Jehova Dios nini.
15 Egipto llaqtata chunnirachiptiymi,+runankunatapas wañuchiptiymi chaynataq tukuy imankunatapas hukkunaman quykuptiymiyachanqaku ñuqaqa Jehova Dios kasqayta.+
16 Kay llaki takitaqa lliw runakunam takinqa, huklaw nacionniyuq warmikunam takinqa.
Takinqakuqa Egiptomantawan tropankunamantam’, nispa.
Chaynatam llapallan kamachiq ñuqa Jehova Dios nini”, nispa.
17 Chaymantam 12 kaq watapi hina chay killapa 15 kaq punchawninpi Jehova Diosqa niwarqa:
18 “Runapa churin, Egiptopa tropankunamantayá waqay, hinaspayá niy atiyniyuq nacionkunapi runakunapas wañuspanku allpapa sunqunpi paykunawan kuska pampasqa kanankumanta.
19 ¿Hukkunamantapas ancha riqsisqa kasqaykipaqchu hapikunki? ¡Qari kayninkupi mana señalasqa runakunawan kuskam qamqa wañunki!
20 Egipto runakunaqa espadawan wañuchisqa runakunawan kuskam wañuchisqa kanqaku.+ Egipto nacionqa chinkanqam, tropantintayá kaymanta pusachunku.
21 Wañuqkunapa kasqanpi* kaq allin peleaq runakunam Egiptota kamachiqwan chaynataq yanapaqninkunawan rimanqaku. Egipto runakunaqa espadawan wañuchisqam kanqaku qari kayninkupi mana señalasqa runakuna hina.
22 Asiriapi kamachiqwan tropankunapas wañurunñam, espadawan wañuchisqa tropankunaqa muyuriqninpim pampasqa kachkan.+
23 Uku-uku uchkupim pampasqa kachkanku, kamachiqpa muyuriqninpim yanapaqninkunapas pampasqa kachkan. Paykunaqa runamasinkutam ñakarichiqku, chaymi espadawan wañuchisqa karqaku.
24 Elam+ llaqtapas chinkarunñam, runankunapas espadawan wañuchisqam karqaku. Paykunaqa runamasinkuta ñakarichiqkunam karqaku, paykunaqa qari kayninkupi mana señalasqa kachkaspam wañurqaku. Wañukuq wakin runakunawan kuskam pinqaypaq kachkanku.
25 Elam llaqtapaqqa wañuqkunapa pampanankupim camanta suyachirqaku, runankunapas muyuriqninpim pampasqa kachkan. Paykunaqa llapankum qari kayninkupi mana señalasqa karqaku, paykunaqa runamasinkuta ñakarichisqankuraykum espadawan wañuchisqa karqaku. Wañukuq wakin runakunawan kuskam pinqaypaq kachkanku, paykunaqa wañukuq runakunawan kuskam pampasqa kachkanku.
26 Mesec llaqtawan Tubal+ llaqtapas chinkarunñam, runankunapas wañurunñam. Chay llaqtakuna kamachiqpa muyuriqninpim runankunapas pampasqa kachkan. Paykunaqa llapankum qari kayninkupi mana señalasqa karqaku, paykunaqa runamasinkuta ñakarichisqankuraykum espadawan wañuchisqa karqaku.
27 ¿Manachu paykunaqa qari kayninkupi mana señalasqa allin peleaq runakuna hina wañunqa? Paykunaqa wañusqakunapa kasqanpi kaspapas* peleanankupaq tukuy imayuqmi pampasqa kanqaku. Mesec hinaspa Tubal llaqtayuq runakunaqa espadanku sawnayuqmi kanqaku, paykunapaqa huchankupas hinallaraqmi tullunkupi kachkan, chaynam kanqa runamasinkuta ñakarichisqankurayku.
28 Egiptopas chinkanqam qari kayninpi mana señalasqa kaqkunawan kuska, espadawan wañuchisqa kaqkunawan kuskam chutarayanqa.
29 Edom+ llaqtapas chinkarunñam, kamachiq runankunapas llapallanmi wañurunña. Ancha riqsisqa kaspapas espadawan wañuchisqa kaqkunawan kuskam chutarayanqaku. Paykunaqa qari kayninkupi mana señalasqa kaqkunawan+ chaynataq wañuchisqa kaqkunawan kuskam chutarayanqaku.
30 Norte lawpi kaq kamachiqkunawan Sidon runakunapas+ wañurunñam. Ancha riqsisqa kasqankuwan runakunapa manchakunan kachkaspankupas pinqaypaqmi wakin runakuna hina wañurunku. Paykunaqa espadawan wañuchisqakunawan kuskam qari kayninkupi mana señalasqa kachkaspa wañunqaku, paykunaqa wañukuq wakin runakunawan kuskam pinqaypaq kachkanku.
31 Egiptota kamachiqqa tropankunawan kuskam wañunqa. Hinaspam runankuna wañusqanmanta chay wakin runakunapa wañusqanta rikuchkanmanpas hina sunqunta tiyaykachinqa.+ Chaynatam llapallan kamachiq Jehova Dios nini.
32 Runamasinkuta ñakarichisqankuraykum Egiptota kamachiqwan tropankunaqa wañusqa wischurayanqaku, paykunaqa espadawan wañuchisqa runakunawan kuskam wischurayanqaku, chay wañuchisqa runakunaqa qari kayninkupi mana señalasqam kanku. Chaynatam llapallan kamachiq Jehova Dios nini”, nispa.
Willakuykuna
^ Utaq: “Faraonmanta”.
^ Hebreo rimaypiqa nichkan: “Seolpi”, nispam. Qaway kay palabrapa ima ninan kasqanta.
^ Hebreo rimaypiqa nichkan: “Seolpi kaspapas”, nispam.
