Habacuc 1:1-17
1 Kay willakuyqa Diosmanta willakuq* Habacucpa* musquypi hina* chaskisqanmi:
2 Jehova Dioslláy, ¿haykapikamataq yanapaykuwanaykipaq qayakamusqayta mana uyariwankichu?+
¿Haykapikamataq qayakamusqayki kay mana allin ruwaqkunapa chawpinmanta hurquykuwanaykipaq? ¿Haykapikamataq qayakamusqayki imallatapas ruwanaykipaq?+
3 ¿Imaynanpitaq mana allin ruwaykunallataña qawachiwanki?
¿Imaynanpitaq ñakariykunata qawakunki?
¿Imaynanpitaq ñuqapa ñawpaqniypiqa qichunakuywan maqanakuyllaña?
¿Imaynanpitaq piñanakuywan chiqninakuyllaña?
4 Chayraykum kamachikuykunaqa mana valeqña rikurirun,chaymi allin kaqtaqa haykapipas mana ruwankuchu.
Allin ruwaqkunatam mana allin ruwaqkuna muyurirunku,chayraykum allin kaqtaqa manaña ruwankuchu.+
5 *“¡Llaqtakunata qawarispaykichikyá sumaqta uyariychik!
Maymi kasqaykichikpiyá uyarayaychik,chay punchawkunapiqa qunqayllamantam imapas kanqa,willasuptikichikpas qamkunaqa ‘yanqam chayqa’ ninkichikmi.+
6 Caldea runakunatam hatarichisaq,+Caldea llaqtaqa mana manchakuspa imatapas ruwaqmi.
Paykunaqa kay allpa pachapi runakunatam chinkarachinkuallpankuta hapikuykunankupaq.+
7 Runakunapa manchakunanmi kanku, paykunaqa manchakuypaqmi kanku.
Kikinkum ninku imam allin kasqantawan pim atiyniyuq kasqanta.+
8 Paykunapaqa caballonkupas tigrekunamantapas* aswan kallpaqmi*,tutan puriq atuqkunamantapas* aswan manchakuypaqmi.+
Peleanankupaq caballonkupas utqayllamanñam kallpan,caballonkuqa karu-karumantam hamun.
Anka hinam imatapas hapinankupaq pawaykun.+
9 Llapallankum hamunku mana allinkunallata ruwaq.+
Huñunakuruspankuqa intipa qispimunan lawmanta wayra hinam kanku,+aquta hinañam runakunatapas llaqtankuman apanku.
10 Kamachiqkunamantam yanqakunata rimanku,kamachiqta yanapaqkunamantam asikunku.+
Hatun pirqakunamantam asikunku,+pirqakunapa waqtanman allpata munturuspankum llaqtaman yaykunku.
11 Wayra hina rispankum allpanta pasanku,ichaqa kallpankuta diosninkupaq hapisqankuraykum*+
castigasqa kanqaku”.+
12 Jehova Dioslláy, qamqa wiña-wiñaymantam karqankiña.+
Chuya Diosnilláy, qamqa manam haykapipas wañunkichu*.+
Jehova Dioslláy, qanmi akllaykurqanki imam nisqaykita ruwananpaq.
Waqaychaqnilláy,+ qanmi akllaykurqanki ñakariyta kacharinanpaq.+
13 Ñawikikunaqa chuyay-chuyaymi, manam mana allinkunata qawananpaq hinachu,+manam qawayllaqa-qawakuwaqchu mana allinkunataqa.
Chayna kachkaspaykiqa, ¿imaynanpitaq qawaylla-qawakunki pitapas qipanchaq runata?+
¿Imaynanpitaq upallalla kakunki allin ruwaqta mana allin runa munaychakuptinqa?+
14 ¿Imaynanpitaq qawakunki lamar quchapi challwakunawan hina runakunawan tukuyta ruwanankuta?
¿Imaynanpitaq qawakunki qasqunpa puriq animalkuna hina mana pipa kamachisqan kanankuta?
15 Payqa* llapankutam anzuelowan hina hurqun.
Mallawan hina muyuriruspanmi hapirun,challwa hapinan mallanmantam huqarin.
Chayraykum ancha-anchata kusikun.+
16 Chayraykum mallanpaq animalkunata nakapun,challwata hapinan mallanpaqmi animalkunata qusnichipun,mallankunaraykum imanpas achkanpi kapun,mallankunaraykum mikunanpas miskillaña.
17 ¿Hinallachu mallanmanta hurqunqa*?
¿Hinallachu mana llakipayarispa runakunata wañuchinqa?+
Willakuykuna
^ Utaq: “Profeta”. Qaway kay palabrapa ima ninan kasqanta.
^ Utaq: “Revelacionpi”.
^ “Habacuc” ninanqa yaqachusmi “abrazo” ninan.
^ Kaymantaqa Diosmi rimachkan.
^ Utaq: “Leopardokunamantapas”.
^ Utaq: “Raskiqmi”.
^ Utaq: “Lobokunamantapas”.
^ Ichapas kanman: “Kallpanqa diosnin kasqanraykum”, niqpas.
^ Ichapas kanman: “Ñuqaykuqa manam wañusaqkuchu”, niqpas.
^ Kaypiqa rimachkan chiqniqnin Caldeo runakunamantam.
^ Ichapas kanman: “Espadanta hurqunqa”, niqpas.
