Isaias 35:1-10
35 Chunniqwan chaki allpapas kusikunqam,+chakillaña pampapas kusisqam kanqa, purunpi wiñaq wayta* hinam waytarinqa.+
2 Waytanqapunim,+ kusisqam kanqa, kusikuymantam qaparinqa,Libano hinam suma-sumaqllaña kanqa,+Carmelowan+ Saron+ hinam kuyayllapaq kanqa.
Jehova Diospa atiynintam qawanqaku,Diosninchikpa kanchaynintam rikunqaku.
3 Mana kallpayuqkunatayá kallpanchaychik,katkatataq muquyuqkunatayá yanapaychik.+
4 Sunqunkupi hukmanyasqa kaqkunatayá niychik:
“Qarinchakuychikyá, amayá manchakuychikchu.
Diosnikichikmi hamunqa imam ruwasusqaykichikman hina paykunata ruwananpaq.
Diosmi castiganqa.+
Paymi hamuspan librasunkichik”, nispa.+
5 Chay punchawkunapiqa ñawsakunam qawarikunqa,+mana uyariqkunam uyarikunqa.+
6 Chay punchawkunapiqa, wiqrum* luwichu hina kallpanqa,+mana rimay atiqpas kusikuymantam qaparinqa.+
Chaki allpakunamantam yakukuna tuqyanqa,chakillaña pampakunatam mayukuna kallpanqa.
7 Rupaywan chakiruq allpapas suquskunapa kananñam kanqa,mana yakupa kanan allpapipas yakukunañam tuqyanqa.+
Atuqkunapa puñunanpipas qurakunañam wiñanqa,+suquskunawan tuturakunañam wiñanqa.
8 Ñanmi chaypi kanqa,+arí, Sapaqchasqa ñanwan sutichasqanku ñanmi kanqa.
Huchayuq runaqa manam chaynintaqa purinqachu.+
Chay ñanqa allin ñanpi puriqpaqmi kachkan.
Mana yuyayniyuq runaqa manam chay ñannintaqa purinqachu.
9 Manam ni huk leonpas chaypiqa kanqachu,purun animalkunapas chaymanqa manam asuykunqachu.
Mayqanninpas manam chaypiqa kanqachu,+chaynintaqa ñakariymanta librasqa kaqkunallam purinqaku.+
10 Sasachakuymanta Jehova Diospa libraykusqan kaqkunaqa kutimunqakum.+
Kusikuymanta qaparistinmi Sionman hamunqaku.+
Wiñaypaq kusikuymi corona hina umanpi kanqa.+
Kusisqallañam kanqaku, asi-asillañam kanqaku.
Hukmanyaywan llakikuyqa manañam kanqañachu.+
