Isaias 49:1-26
49 Islakuna uyariwaychik,sumaqtayá uyariwaychik karupi kaq nacionkuna.+
Jehova Diosmi ñuqataqa wiksallapiraq kachkaptiy qayamuwarqa,+mamaypa wiksallanpiraq kachkaptiymi sutiytaqa rimarqaña.
2 Espadata hinam simiyta ruwarqa,makinpa llantunpim pakaykuwarqa.+
Ñawchiy-ñawchiy flechata hinam ruwawarqa,flechankuna apanan wayqapim pakaykuwarqa.
3 Paymi niwarqa: “Israel, qamqa kanki yupaychaqniymi.+
Qampim kanchayniy sutilla kanqa”, nispa.+
4 Ñuqam ichaqa nirqani: “Yanqapaqmi anchata kallpanchakuspa llamkasqani.
Kallpaytapas yanqakunapim tukusqani.
Jehova Diosmi juzgawaqniyqa,pagoyqa Diosniymantam hamun”, nispa.+
5 Mamaypa wiksanpiraq kachkaptiy akllawaqniy Jehova Diosmi niwachkan Jacobta kaqmanta kutichimunaypaq,chaynapi Israelpa mirayninkuna kaqmanta paywan huñunakunanpaq.+
Jehova Diospa qayllanpim ñuqaqa hatunchasqa kasaq,Diosniyqa kallpaymi kanqa.
6 Payñataqmi nirqa: “Akllaruykiqa manam Jacobpa mirayninkunata hatarichinallaykipaqchu,manam Israelmanta puchuqkunata kutichimunallaykipaqchu.
Aswanqa nacionkunapa achkiyninta hinam churaykuyki,+chaynapi kay allpa pachapa cantonkama salvacionniy chayananpaq”, nispa.+
7 Jehova Diosmi, Israelta libraqmi*, chuya Diosninmi,+ mana valeqpaq hapisqankuta nin, nacionpa chiqnisqantam nin,+ kamachiqkunapa runantam nin:
“Rikuykuspankum kamachiqkuna hatarinqaku,kamachiqpa yanapaqninkunam qunqurakunqaku,Jehova Diosraykum qunqurakunqaku, payqa hapipakunapaqmi,+Israelpa chuya Diosninraykum qunqurakunqaku, payqa akllasuqnikim”, nispa.+
8 Jehova Diosmi nin:
“Allinllaraq imapas kachkaptinmi uyarirqayki,+salvacion punchawpim yanaparqayki,+ñuqaqa hinallam waqaycharqayki contratota* hina runakunaman qunaypaq,+allpata allichanaykipaq,chaynapi mana herenciayuqkuna chaskinankupaq,+
9 preso kaqkunata ‘¡lluqsiychik!’ ninaykipaq,+tutayaypi kaqkunata+ ‘¡rikuchikuychik!’ ninaykipaq.
Paykunaqa ñanpa patankunapim mikuyta tarinqaku,paykunapaqqa runakunapa purinan ñankunapim* pasto kanqa.
10 Paykunaqa manam mikuymantapas nitaq yakumantapas usunqakuchu,+paykunataqa llumpay rupaypas manam rupanqachu.+
Ñuqa llakipayaqninkum paykunataqa pusasaq,+yakupa kanan lawninkunatam pusasaq.+
11 Llapallan urquykunatam ñanta ruwasaq,hatun ñanniykunapas alto-altopim kanqa.+
12 ¡Kaykunaqa karu-karumantam hamuchkanku!,+¡kaykunapas norte lawmantam hamuchkanku, intipa siqaykunan lawmantam hamuchkanku!,¡kaykunañataqmi Sinim allpamanta hamuchkanku!”, nispa.+
13 Hanaq pacha, kusikuymantayá qapariy. Allpa pacha, qampas kusikuymantayá qapariy.+
Urqukunayá kusikuchunku, kusikuymantayá qaparichunku.+
Jehova Diosqa runankunapa sunquntam tiyaykachin,+ñakariypi kaqkunatam llakipayaykun.+
14 Sionmi ichaqa hinalla nirqa:
“Jehova Diosqa saqiruwanmi,+ Jehova Diosqa qunqaruwanmi”, nispa.+
15 ¿Yaqachu ñuñusqan wawata maman qunqarunman?
¿Yaqachu wiksanpi apasqan wawanta mana llakipayarinman?
Ichapas mamanqa wawanta qunqarunman, ñuqam ichaqa mana qunqasqaykichikchu.+
16 Makiykunapa pampanpim sutikita qillqaruni.
Hatun pirqaykikunaqa ñuqapa ñawpaqniypim haykapipas kachkan.
17 Churikikunapas utqayllamanñam kutimuchkanku.
Tuñichisuqnikikunaqa hinaspa purmachisuqnikikunaqa qanmantam karunchakunqaku.
18 Umaykita huqarispayá muyuriqnikita qawariy.
Llapallankum huñunakamuchkanku.+
Qanmanmi hamuchkanku.
Jehova Diosmi nin: “Ñuqapa kawsakusqayqa chiqapmi,chaynam chiqaptapuni qampaqqa churakunayki alaqa hina paykunaqa llapallanku kanqaku,casarakuq warmipa churakunan alaqa hinam kanqaku.
19 Allpaykikuna chunnisqa kaspanpas, mana imayuq kaspanpas chaynataq purmasqa kaspanpas+
manam haypanqachu chaypi yachaqkunapaqqa,+tukusuqnikikunapas+ qanmanta karupim kanqaku.+
20 Wañukuq warmaykikunamanta qipaman kaq warmakunam nisunki:
‘Kay allpaqa taksachallam ñuqapaqqa.
Allpatayá quway chaypi yachanaypaq*’, nispa.+
21 Qamqa sunquykipim ninki:
‘Wawaykunaqa wañurunñataq, mana wachakuqtaq kanipas,huklawpitaq tarikunipas, wichqasqataq kachkanipas,¿pipataq kay warmakunaqa?
¿Pitaq uywarqa?+
Ñuqaqa sapallayñam qiparqani,+¿maymantataq kaykunaqa rikuriramun?’”, nispa.+
22 Llapallan kamachiq Jehova Diosmi nin:
“Nacionkunapaqmi makiyta haywarisaq,llaqtakuna qawananpaqmi qiruta sayachisaq.+
Qari warmaykikunatam marqarikuspa apamunqaku,warmi wawaykikunatañataqmi chukurikuspa apamunqaku.+
23 Kamachiqkunam qawasunki,+kamachiqpa warmi churinkunam uywasunki.
Qampa ñawpaqnikipim qunqurakunqaku,+chakikiman tiyaq ñutu allpatam llaqwanqaku,+chaywanmi yachanki ñuqaqa Jehova Dios kasqayta,ñuqapi hapipakuqkunaqa manam pinqaypiqa qipanqakuchu”, nispa.+
24 ¿Yaqachu qichunmanku kallpasapa soldadomanta apasqan runakunata?
¿Yaqachu presochasqa runakuna ñakarichiq runapa makinmanta hurqusqa kanmanku?
25 Jehova Diosmi nin:
“Arí, kallpasapa soldadomantapas apasqan runakunataqa qichunqakum,+presochasqanku runakunatapas ñakarichiq runapa makinmantam hurqunqaku.+
Qampa contraypi kaqkunapaqqa ñuqapas paykunapa contranpim kasaq,+churikikunatam librasaq.
26 Ñakarichisuqnikikunamanqa kikinkupa aychankutam mikuchisaq,kikinkupa yawarninkuwanmi sinkanqaku, miskillaña vinowan hinam sinkanqaku.
Chaywanmi llapallan runakuna yachanqaku ñuqaqa Jehova Dios kasqayta,+yanapaqniki kasqayta,+ librasuqniki* kasqayta,+Jacobpa atiyniyuq Diosnin kasqayta”, nispa.+
Willakuykuna
^ Utaq: “Kaqmanta rantiqmi”.
^ Utaq: “Pactota”. Qaway kay palabrapa ima ninan kasqanta.
^ Ichapas kanman: “Mana imayuq muqukunapim”, niqpas.
^ Utaq: “Tiyanaypaq”.
^ Utaq: “Kaqmanta rantiqniki”.
