Job 13:1-28
13 Jobqa nirqataqmi: “Arí, tukuy chaykunatam qawarqani,tukuy chaykunata uyarispaymi allinta yacharuni.
2 Qamkunapa yachasqaykichiktaqa ñuqapas yachanim,qamkuna hina yachayniyuqmi ñuqapas kani.
3 Tukuy atiyniyuq Dioswan rimaytam ñuqaqa munayman,payman willakuytam ñuqaqa munani.+
4 Qamkunaqa ñuqamanta llullakunata rimaspam pinqayman churawayta munankichik,qamkunaqa hampiqtukuq runakunam kankichik.+
5 Mayna allinchá kanman upallalla kaynikichikqachaynapi yachayniyuq kasqaykichik sutilla kananpaq.+
6 Imam nisqaytayá uyariykullawaychik,tukuy rimarisqaykunatayá allinta uyariykullawaychik.
7 ¿Diospa sutinpichu yanqakunata rimayta munankichik?
¿Paypa sutinpichu llullakunkichik?
8 ¿Paymanchu sayapakunkichik?
¿Yaqachu Diospa imapas ruwasqanmanta allinta rimawaqchik?
9 ¿Yaqachu imayna kasqaykichikta Dios qawaykusuptikichik allin kawaqchik?+
¿Yaqachu runata hina payta pantarachiwaqchik?
10 Mana pipa yachasqallanta sayapakuptikichikqa+payqa qaqchasunkichikmanmi.
11 ¿Manachu manchakunapaq Diospa ancha atiyniyuq kasqanqa?
¿Manachu manchakuypaq paypa qayllanpi kayqa?
12 Qamkunapa sumaq rimaynikichikkunaqa uchpa hinallam,harkasuqnikichik kaqkunapas mitumanta ruwasqa hinallam.
13 Upallaychikñayá, ñuqaña rimaykusaq.
¡Imaña-haykaña kaptinpas rimaykusaqyá!
14 ¿Imanasqataq wañuypa patanmanvidayta churallani?
15 Wañuchiwananña kaptinpas ñuqaqa payllapim hapipakullasaq,+imaña kaptinpas paypa ñawpaqninpim rimallasaq.
16 Chaynapim Diosqa yanapawaqniyña kanqa,+paypa qayllanmanqa manam asuykunmanchu qipanchaqnin runaqa.+
17 Rimasqaykunatayá sumaqta uyariykuychik,nisqaykunatapas allintayá uyariykuychik.
18 Ñuqaqa ñam tantiaruniña sasachakuyniykuna imayna allichasqa kananta,ñuqaqa allintamá ruwachkani.
19 ¿Pitaq ñuqata imatapas niwanman?
¡Wañuruymanchá imatapas mana nispayqa!
20 Diosnilláy, qanmanta mana pakakunaypaqmikaykunallata mañakuyki:
21 Amañayá ñakarichillawaychu,qamta amaña manchakunaypaqyá yanapaykullaway.+
22 Rimapayamuwaptikiqa ñuqapas rimapayamusqaykim,ñuqa rimapayamuptiyñataqyá qampas rimapayaykamuway.
23 ¿Imakunataq pantasqaykunawan huchallikusqaykunaqa?
Niykullawayá imapi pantasqaytawan huchallikusqayta.
24 ¿Imanasqataq ñuqamanta pakakunki?+
¿Imanasqataq chiqnisqayki runata hinaña qawawanki?+
25 ¿Yaqachu wayrapa apaykachasqan llaqita* manchachiwaq?
¿Yaqachu wayrapa apaykachasqan pajata qatikachawaq?
26 ¿Imanasqataq yupachkanki tukuy ima llakichiwaqniy kaqkunata?
¿Imanasqataq warma kaspay huchallikusqaykunatapas yuyarichkanki?
27 Chakiykunatam uchkusqa tablawan hapirachinki,ima ruwasqaykunatapas qawawaspaykimyupiytapas qatichkaq hina qatipawanki.
28 Imapas ismusqa hinam runaqa* wichirirun,puyupa tukusqan pacha hinam runaqa wichirirun”, nispa.
