Job 16:1-22
16 Jobñataqmi nirqa:
2 “Chayna rimasqaykichiktaqa achka kutitañam uyariruni.
¡Qamkunaqa manam imaniraqllatapas sunquytaqa tiyaykachinkichikchu!+
3 ¿Haykapikamataq yanqakunata rimapayawankichik?
¿Imatataq ruwarqaykichik chaykunata niwanaykichikpaqqa?
4 Ñuqapas qamkuna hinaqa rimaymanmi.
Ñuqa hina ñakariptikichikqañuqapas umayta aywispayraqmiqamkunamanta mana allinkunata rimayman.+
5 Ichaqa manam chaykunataqa ruwaymanchu,aswanqa sumaqllata rimapayaykuspam kallpanchaykichikman, hinaptinmi sunquykichikpas tiyaykunman.+
6 Rimaptiypas nanayniyqa manam samaykunchu.+
Upallaykuptiypas nanayniyqa hinallam.
7 Diosmi mana kallpayuqta saqiruwan,+wasiypi kaqkunatapas lliwtam qichuruwan.
8 Chaymantapas Dios hapiruwaptinmi tullunwan-qarallanña kachkani,chayna kasqayqa ñuqapa contraypim kachkan.
9 Payqa piñakuspanmi ñakarichiwachkan,+chiqniwaspanmi kiruntapas kachupakunraq.
Piñakuspanmi winku ñawinwan qawawan.+
10 Tukuyta niwaspankum asikuwanku,+uyaypipas laqichuwachkankuman hinam kamiwanku.
Llapa runakunam huñunakuruspa contraypi kachkanku.+
11 Diosmi musukunapa makinpi saqiykuwan,mana allin runakunapa makinmanmi wischuykuwan.+
12 Hawkalla kawsakuchkaptiymi qunqaymanta ñakarichiwachkan.+
Matankaymanta* hapiruwaspanmi llapiruwan,ñuqallatam ñakarichiwachkan.
13 Flechaq runankunawanmi muyuruwan,+mana llakipayariwaspam rurunniytapas pasanankama tuksiruwan,hayaqniytapas pampapim tuqyarachin.+
14 Kaypi-chaypi uchkupasqan pirqa hinam ñuqaqa kallachkani,peleaq runa hinam ñuqamanqa pawaykamuwan.
15 Llumpay llakisqallaña kaspaymi qachqa pachawan churakuruni,+hinaspam pinqayllapaqña kaspay pampallapiña tiyani.+
16 Waqasqayraykum uyallaypas pukay-pukayña kachkan,+ñawillaytapas tutayayllañam pampaykun*.
17 Ñuqaqa manamá pitapas imanarqanichu,sunqumantamá Diostapas mañakuni.
18 ¡Allpa, yawarllaytaqa amayá pampaykullaychu!+
¡Amataqyá qayakullasqaytapas upallarachiychu!
19 Ñuqamanta allin kaqkunata rimaqqa hanaq pachapim kachkan,payqa alto-altopim kachkan.
20 Riqsinakusqaykunam ñuqamanta asikuwanku,+Diospa qayllanpim* ñuqallayqa waqallani.+
21 Pipas runamasinpa rantinpi rimarichkaq hinayáñuqapa rantiypi pipas Dioswan rimariykuchun.+
22 Kawsakusqay watakunam tukuykuchkanña,manaña kutimunaypaq punchawkunam chayaykamuchkanña”, nispa.+
Willakuykuna
^ Utaq: “Nucaymanta”.
^ Utaq: “Wañuy tutayayllañam pampaykun”.
^ Ichapas kanman: “Diosta qawallaspaymi”, niqpas.
